LRDની પરીક્ષા
ગુજરાતમાં લોકરક્ષક કેડરની 12,000 જેટલી જગ્યા માટેની લેખિત પરીક્ષા યોજાઈ રહી છે. આ ભરતી પ્રક્રિયા અંતર્ગત બિન હથિયારી પોલીસ કોન્સ્ટેબલ, હથિયારી પોલીસ કોન્સ્ટેબલ, જેલ સિપાઈ અને SRPF જેવી જગ્યા માટે ઉમેદવારો પરીક્ષા આપી રહ્યા છે.
આ પરીક્ષામાં રાજ્યના 7 મહાનગરો - અમદાવાદ, સુરત, વડોદરા, રાજકોટ, ભાવનગર, આણંદ અને ગાંધીનગરમાં કુલ 825 પરીક્ષા કેન્દ્રો પર 2.47 લાખથી વધુ ઉમેદવાર હાજરી આપશે.
પોલીસ વિભાગે પૂર્વ તૈયારીના ભાગરૂપે પરીક્ષા માટે કુલ 26,000થી વધુ અધિકારીઓ અને કર્મચારીઓને જવાબદારી સોંપી છે, જેમાં 8000થી વધુ પોલીસ અધિકારીઓ અને 18000 શિક્ષણ વિભાગના અધિકારીઓનો સમાવેશ થાય છે.
પરીક્ષાના સમયે CCTVની દેખરેખ, બાયોમેટ્રિક વેરિફિકેશન અને ફેસ સ્ક્રીનિંગ જેવી કડક સુરક્ષા વ્યવસ્થાઓ અમલમાં મૂકવામાં આવી છે. ઉમેદવારોને સવારના 7:30 વાગ્યે પરીક્ષા કેન્દ્ર પર હાજર રહેવું જરૂરી છે, કારણ કે પરીક્ષા પહેલા ફિઝિકલ વેરિફિકેશન પ્રક્રિયા થશે. લેખિત પરીક્ષા સવારના 9:30થી 12:30 સુધી યોજાશે.
ઉલ્લેખનીય છે કે, આ અગાઉ 13 એપ્રિલ, 2025ના રોજ પોલીસ સબ-ઇન્સ્પેક્ટર (PSI) માટે લેખિત પરીક્ષા યોજાઈ હતી, જેમાં 472 જગ્યા માટે 1,02,935 ઉમેદવારોએ ભાગ લીધો હતો. હવે લોકરક્ષક કેડરની મોટી ભરતી પ્રક્રિયા અંતર્ગત આજે પરીક્ષા લેવાઈ રહી છે.
અનુભવ: 3 વર્ષ
પત્રકાર
બેનિફિટ ન્યૂઝ ડેસ્ક ગુજરાત, ભારત, રાજકારણ, ક્રાઇમ, બિઝનેસ, મનોરંજન, સ્પોર્ટ્સ અને અન્ય મહત્વપૂર્ણ વિષયો સાથે જોડાયેલા તાજા, સચોટ અને વિશ્વસનીય સમાચાર પ્રદાન કરે છે.
તાજા અપડેટ્સ મેળવો સીધા તમારા WhatsApp પર
અમદાવાદના CTM ટોલનાકા પાસે ₹25.5 કરોડનું ડ્રગ્સ ઝડપાયું! ત્રણ આરોપીઓની ધરપકડ બાદ સામે આવી ચોંકાવનારી વિગતો…
તાપીના સોનગઢમાં નવરાત્રી સંબંધિત સોશિયલ મીડિયા પોસ્ટ પર વિવાદ બાદ યુવકના ઘર પર પથ્થરમારો થયાનો આરોપ લાગ્યો છે. પોલીસે હત્યાના પ્રયાસ અને રમખાણો સહિતની કલમો હેઠળ ગુનો નોંધી તપાસ શરૂ કરી છે, જ્યારે પોલીસની ખાતરી બાદ બંધનું એલાન પાછું ખેંચાયું હતું.
વડોદરાના તાંદલજા વિસ્તારમાં યુસુફ પઠાણના 978 ચો.મી.ના પ્લોટ વિવાદમાં મોટો વળાંક આવ્યો છે. પ્રસ્તાવ મુજબ 500 ચો.મી. જમીન મફત અને બાકીની જમીન પર 45% ડિસ્કાઉન્ટની જોગવાઈ છે. હવે આ મામલે VMCની મંજૂરી સહિતની આગળની પ્રક્રિયા પર સૌની નજર છે.