વિશ્વના હવામાન વૈજ્ઞાનિકોએ ચેતવણી આપી છે કે, ચાલુ વર્ષના અંત સુધીમાં લા નીનાની પરિસ્થિતિઓનું નિર્માણ થઈ શકે છે, જેના કારણે ભારતમાં આ શિયાળો સામાન્ય કરતાં વધારે ઠંડો રહેશે. અમેરિકાના નેશનલ વેધર સર્વિસના કલાયમેટ પ્રેડિકશન સેન્ટરે 11 સપ્ટેમ્બરે જારી કરેલી આગાહીમાં જણાવ્યું છે કે, ઓક્ટોબરથી ડિસેમ્બર 2025 વચ્ચે લા નીના સક્રિય થવાની સંભાવના 71% છે. જોકે, ડિસેમ્બર 2025થી ફેબ્રુઆરી 2026 વચ્ચે આ સંભાવના ઘટીને 54% થઈ જશે, પરંતુ તેની અસરકારકતા જળવાઈ રહેશે.
ચોમાસા પછી લા નીનાની સંભાવનામાં વધારો
હાલમાં, પ્રશાંત મહાસાગરમાં અલ નીનો કે લા નીના જેવી કોઈ પરિસ્થિતિ નથી. ભારતીય હવામાન વિભાગના તાજેતરના બુલેટિનમાં આ અંગે માહિતી આપવામાં આવી છે. તેમ છતાં, વિભાગનું માનવું છે કે, ચોમાસા પછી લા નીનાની સંભાવના વધી જશે.
આ પણ વાંચો: <a href="https://www.benefitnews24.com/gujarati/india/cold-wave-with-snowfall-and-rain-in-north-india-know-the-forecast-of-the-meteorological-department/7375" target="_blank" rel="noopener">ઉત્તર ભારતમાં હિમવર્ષા-વરસાદથી ઠંડીનો ચમકારો! જાણો હવામાન વિભાગની આગાહી</a>
નીનાની પરિસ્થિતિઓ શિયાળાની ઋતુને ઠંડી બનાવે
લા નીના એ અલ નીનો-સધર્ન ઓસિલેશન (ENSO) નો એક ઠંડો તબક્કો છે. આ દરમિયાન પ્રશાંત મહાસાગરના વિષુવવૃત્તીય ક્ષેત્રનું સપાટીનું તાપમાન સામાન્યથી નીચે જાય છે. આ સ્થિતિની અસર ફક્ત પ્રશાંત મહાસાગર પૂરતી મર્યાદિત નથી, પરંતુ તે સમગ્ર વિશ્વના હવામાન પર અસર કરે છે. ભારતના સંદર્ભમાં, લા નીનાની પરિસ્થિતિઓ ખાસ કરીને શિયાળાની ઋતુને વધુ ઠંડી બનાવે છે.
સરેરાશ તાપમાન વર્ષ દર વર્ષ વધી રહ્યું
જોકે, જળવાયુ પરિવર્તનને કારણે લા નીનાની અસર થોડી ઓછી થઈ શકે છે, પરંતુ ઠંડી લહેરો વધવાની શક્યતા રહેશે. ખાનગી હવામાન સંસ્થા સ્કાયમેટ વેધર પણ આ સંભાવનાનો સ્વીકાર કરે છે. વાતાવરણમાં પરિવર્તનને કારણે હવામાનનો મિજાજ વધુ કઠોર બની રહ્યો છે. સરેરાશ તાપમાન વર્ષ દર વર્ષ વધી રહ્યું છે અને વરસાદની તીવ્રતા પણ વધી રહી છે.
દેશના ઘણા ભાગોમાં ભારે વરસાદ&nbsp;
આ ચોમાસાની ઋતુમાં દેશના ઘણા ભાગોમાં ભારે વરસાદ પડ્યો હતો, જેની અસર હિમાચલ પ્રદેશ અને ઉત્તરાખંડ જેવા રાજ્યોમાં જોવા મળી હતી. હવે લા નીનાને કારણે આવનારા શિયાળા માટે હવામાન નિષ્ણાતોએ ચેતવણી આપવાનું શરૂ કરી દીધું છે.

હાડ કંપાવતી ઠંડી

વર્ષના અંત સુધી લા-નીનાની પરિસ્થિતિ સર્જાશે, ભારતમાં શિયાળો સામાન્ય કરતાં ધુ ઠંડો રહેશે

September 15, 2025 | 21:33 IST