Ahmedabad માં કાળમુખા પ્લેન ક્રેશ વચ્ચે ચમત્કાર: સીટ 11 એ પરથી એક મુસાફર જીવિત મળ્યો... 

અમદાવાદમાં બનેલી કાળજુ કંપાવતી વિમાન દુર્ઘટના, જેમાં હજારો લોકોના શ્વાસ થંભી ગયા હતા, તેની વચ્ચે એક ચમત્કારિક અને આશાનું કિરણ પ્રગટાવનારો સમાચાર સામે આવ્યો છે. 'રામ રાખે તેને કોણ ચાખે' કહેવતને સાર્થક કરતા, આ ભયાનક પ્લેન ક્રેશમાંથી એક મુસાફર જીવતો બચી ગયો છે, જે કોઈ ચમત્કારથી ઓછો નથી!

દુર્ઘટના સ્થળે જ્યાં જુઓ ત્યાં કાટમાળ, આગ અને મૃતદેહોના ઢગલા હતા, તેવા વિનાશકારી માહોલ વચ્ચે પોલીસ અને બચાવકર્મીઓને પ્લેનની સીટ નંબર 11 એ પરથી એક જીવિત મુસાફર મળી આવ્યો છે. આ સમાચાર મળતા જ બચાવ ટીમોમાં પણ એક ક્ષણ માટે આશ્ચર્ય અને આનંદની લાગણી છવાઈ ગઈ હતી.

જે રીતે આ વિમાન ક્રેશ થયું અને તેની તીવ્રતા હતી, તે જોતા કોઈના જીવતા બચવાની શક્યતા નહિવત્ હતી. પ્લેનના ટુકડે ટુકડા થઈ ગયા હતા, અને આગની જ્વાળાઓએ સમગ્ર વિસ્તારને ભરખી લીધો હતો. આવા સંજોગોમાં, આ એક મુસાફરનો જીવતો મળવો એ ખરેખર કુદરતનો કોઈ અગમ્ય સંકેત છે.

આ પણ વાંચો : Ahmedabad Plane Crash માં પૂર્વ CM વિજય રૂપાણીનું અવસાન, CR પાટીલે કરી સત્તાવાર પુષ્ટિ!

તાત્કાલિક ધોરણે, આ જીવિત મુસાફરને હોસ્પિટલમાં ખસેડવામાં આવ્યો છે અને તેની સઘન સારવાર ચાલી રહી છે. હાલ તેની હાલત કેવી છે અને તેની ઓળખ શું છે, તે અંગે વધુ વિગતો બહાર આવી નથી. પરંતુ, આ ઘટના એ દર્શાવે છે કે અસહ્ય સંકટમાં પણ જીવનની આશા જીવંત રહી શકે છે. જ્યાં મૃત્યુનો તાંડવ સર્જાયો હતો, ત્યાં આ એક જીવિત મુસાફરનો મળવો એ બચાવકર્મીઓ અને શોકમાં ગરકાવ થયેલા લોકો માટે એક આશાનું કિરણ સમાન છે. આ દુર્ઘટનાના ભયાવહ સમાચારો વચ્ચે આ એકમાત્ર સકારાત્મક સમાચાર છે, જે સૌને થોડી હિંમત આપી શકે છે.

આ પણ વાંચો : Ahmedabad માં આકાશી આફત, પ્લેન ક્રેશ બાદ વિનાશનું તાંડવ, કાટમાળ અને મૃતદેહોના દ્રશ્યોથી શહેર સ્તબ્ધ! Photos