AHMEDABAD : ઈમરજન્સી કંટ્રોલ રૂમના ફોન નંબર જાહેર કર્યા

અમદાવાદ શહેરના મેઘાણીનગરના આઈજીપી કમ્પાઉન્ડમાં 171-એર ઈન્ડિયા બોઈંગ પ્લેન ક્રેશ થયું છે. આ પ્લેનમાં 200 જેટલા પેસેન્જર અને કાર્ગો પણ હતું. ફાયર અને પોલીસને મેસેજ મળ્યો છે. જેને પગલે તેઓ ઘટનાસ્થળે જવા રવાના થયા છે. આ ઘટનાને લઈને તમામ રસ્તાઓ પણ બંધ કરી દેવામાં આવ્યા છે.  વિમાન દુર્ઘટના સમયે પાયલોટએ ઇમરજન્સી મેસેજ આપ્યો હતો. વિમાનના પાયલટ સુમિત સુબ્બરવાલે છેલ્લી ઘડીએ "મેડે" કોલ કર્યો હતો. આ એક આંતરરાષ્ટ્રીય કટોકટી કોલ છે જ્યારે પાયલોટ  ગંભીર મુશ્કેલીમાં હોય ત્યારે તાત્કાલિક સહાયની જરૂર હોય ત્યારે મોકલે છે. પ્લેન જ્યાં પડ્યું હતું તે હોસ્ટેલની બિલ્ડીંગની આગ હજું પણ બેકાબૂ જોવા મળે છે. રાજ્ય સરકારે અમદાવાદ પ્લેન ક્રેશ દુર્ઘટના સંદર્ભેમાં સ્ટેટ ઈમરજન્સી ઓપરેશન સેન્ટરમાં કંટ્રોલ રૂમ કાર્યરત કર્યો છે. આ કંટ્રોલ રૂમના ફોન નં. 079-232-51900 અને મોબાઈલ નં. 9978405304 ઉપર સંબંધિતો સંપર્ક કરી શકશે.