શું તમે ક્યારેય પાંખ વગરના પંખાની કલ્પના કરી છે? સામાન્ય રીતે, આપણે વિચારીએ કે પંખામાં પાંખો ન હોય તો તે હવા કેવી રીતે આપી શકે? પરંતુ, હવે આ કલ્પના વાસ્તવિકતા બની રહી છે. ભાવનગરની સરકારી એન્જિનિયરિંગ કૉલેજ (GEC)ના વિદ્યાર્થીઓ અને ફેકલ્ટીની એક ટીમે આ અનોખી શોધ કરી છે. તેમણે&nbsp;"બ્લેડલેસ ફેન" એટલે કે પાંખ વગરના પંખાની ડિઝાઇન તૈયાર કરી છે, જેને ભારત સરકારના ઇન્ટેલેક્ચ્યુઅલ પ્રોપર્ટી ઑફિસ દ્વારા ડિઝાઇન પેટન્ટ પણ મળી છે.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1754205767008_Main%2520%25282%2529.png" alt="Main (2).png" width="500" height="342">
આ નવીન શોધ ભાવનગરની સરકારી એન્જિનિયરિંગ કૉલેજ માટે એક ગૌરવપૂર્ણ ક્ષણ છે. કૉલેજના મિકેનિકલ એન્જિનિયરિંગ વિભાગના પ્રોફેસરો અને વિદ્યાર્થીઓની ટીમે આ સિદ્ધિ હાંસલ કરી છે. આ ડિઝાઇન પેટન્ટ માટે 31 માર્ચ, 2025ના રોજ અરજી કરવામાં આવી હતી અને તેને 18 જુલાઈ, 2025ના રોજ જર્નલ નંબર 29/2025 દ્વારા સત્તાવાર રીતે જાહેર કરવામાં આવી છે. આ ડિઝાઇનને એપ્લિકેશન નંબર 453694-001 હેઠળ રજિસ્ટર કરવામાં આવી છે.
<h3>કોણે આપ્યું યોગદાન?</h3>
આ સફળતા પાછળ મિકેનિકલ એન્જિનિયરિંગ વિભાગના નીચેના સભ્યોનો મહત્વનો ફાળો છે:
<ul>
<li>
પ્રોફેસરો: અમિતકુમાર ચંદુભાઈ ગોહિલ, ડૉ. અમિતકુમાર ભરતકુમાર સોલંકી, અને દિવ્યેશકુમાર ભગવાનભાઈ મોરબીયા.
</li>
<li>
વિદ્યાર્થીઓ: માધવ ખોડાભાઈ મેર, રાજ વિપુલભાઈ જસાણી, લાલભાઈ કિશોરભાઈ પરમાર, માધવ અરવિન્દભાઈ પરમાર અને રાજ કિશોરભાઈ ગોહિલ.
</li>
</ul>
આ ટીમના સખત પરિશ્રમ, નવીન વિચારધારા અને ટીમવર્કના પરિણામે આ અનોખી ડિઝાઇન તૈયાર થઈ શકી છે.
<h3><img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1754205641368_Screenshot%25202025-08-03%2520124952.jpg" alt="Screenshot 2025-08-03 124952.jpg" width="500" height="359"></h3>
<h3>બ્લેડલેસ ફેનનાં ફાયદા</h3>
આ બ્લેડલેસ ફેનની ડિઝાઇન ઘણા ફાયદાઓ પૂરા પાડે છે:
<ul>
<li>
વધુ સુરક્ષિત: પાંખો ન હોવાથી નાના બાળકો કે પાલતુ પ્રાણીઓ માટે તે વધુ સુરક્ષિત છે.
</li>
<li>
ઊર્જા કાર્યક્ષમ: આધુનિક ટેકનોલોજીનો ઉપયોગ કરીને તેને વધુ ઊર્જા કાર્યક્ષમ બનાવવામાં આવ્યો છે.
</li>
<li>
આધુનિક દેખાવ: તેની અનોખી ડિઝાઇન ઘર કે ઑફિસના આધુનિક ઇન્ટિરિયર સાથે સરળતાથી ભળી જાય છે.
</li>
</ul>
આ નવી શોધ ભવિષ્યમાં પંખાના બજારમાં ક્રાંતિ લાવી શકે છે. કૉલેજના પ્રિન્સિપાલ અને મિકેનિકલ એન્જિનિયરિંગ વિભાગના વડાએ આ ટીમને તેમની અદ્ભુત સિદ્ધિ બદલ અભિનંદન પાઠવ્યા છે અને ભવિષ્યમાં પણ આવી જ સફળતાઓ મેળવવાની શુભેચ્છા પાઠવી છે.

આતે કેવી અજબની વાત છે

પાંખ વગરનો પંખો હોય ખરો, ભાવનગરના વિદ્યાર્થીઓએ આ અશક્યને શક્ય કરી બતાવ્યું

August 3, 2025 | 18:23 IST