SURAT : 1 વર્ષની બાળકીને શ્વાન ખેંચી ગયો પણ...

સુરતના કામરેજના વાવ ગામે બંસરી રિસોર્ટની બાજુમાં એક વર્ષીય બાળકીને શ્વાન દ્વારા ખેંચી જવામાં આવી હોવાની ઘટના પછી ભારે શોધખોળ કરાઇ રહી છે પણ વીતેલા 50 કલાકથી વધુ સમય સુધી પણ બાળકી મળતી નથી. આ બનાવ મંગળવારે રાત્રે બન્યો હતો અને ત્યારથી તંત્રએ 500 જેટલી ટીમ બનાવી તપાસ કરી છે.

કામરેજના વાવ ગામમાં બંસરી રિસોર્ટ પાસે બાંધકામ સાઈટ પર કામ કરતી માયા નામની એક વર્ષની બાળકીને મંગળવારે રાત્રે એક શ્વાન દોડીને પકડી લઈ ભાગી ગયો હતો. માતા તીતાબેન પોતાના માટે જમવાનું બનાવતી હતી અને બાળકીને બાજુમાં સુવડાવી રાખી હતી, ત્યારે શ્વાને દોડી આવી અને બાળકીને ખેંચી લઇ ગયો. તીતાબેન અને આસપાસના 100થી વધુ મજૂરોના પ્રયાસો છતાં શ્વાનમાંથી બાળકીને શોધવામાં  લાવવામાં હજુ સફળતા મળી નથી.

આ પણ વાંચો--- Surat મહાનગરપાલિકાની ઉંઘ ઉડી, હોળી બંગલામાં જર્જરિત ગેલેરી તૂટી, તંત્રની બેદરકારી છતી!

બાળકી શોધવા માટે સુરત પોલીસે, ફાયર વિભાગ, ડોગ સ્ક્વાડ, વન વિભાગ અને સ્થાનિક લોકો સાથે મળીને વિશાળ સ્તરે શોધખોળ શરૂ કરી છે. ડ્રોનની મદદ પણ લેવામાં આવી રહી છે. 50 કલાક બાદ પણ બાળકીનો કોઈ પતો મળ્યો નથી.

 મળેલી માહિતી મુજબ આંજુભાઈ અને તીતાબેન મજૂરી કરીને પરિવારમાં એકલા માયા નામની એક બાળકી સાથે ગરીબી વચ્ચે જીવન જીવી રહ્યા છે. પોલીસ અને તંત્ર દ્વારા સમગ્ર લોકો અને સોસાયટીને આ મામલે  નજર રાખવા અને કોઈપણ પ્રકારની માહિતી મળી હોય તો તુરંત પોલીસને જાણ કરવા વિનંતી કરવામાં આવી છે.

આ પણ વાંચો--- Surat ની પ્રજા ભયભીત, નશેડીઓનો આતંક, ક્યારે થશે કડક કાર્યવાહી?