અમદાવાદ શહેરના 9 ફાયર કર્મચારીઓને ખોટી શૈક્ષણિક લાયકાત મુદ્દે ટર્મિનેટ કરાયા

અમદાવાદ મહાનગરપાલિકામાં અજમાયશી ધોરણે ફરજ બજાવતા ફાયર વિભાગના 9 કર્મચારીઓને ટર્મિનેટ કરવામાં આવ્યા છે. એનએફએસસી નાગપુરની ખોટી શૈક્ષણિક લાયકાત બાબતે મળેલી ફરિયાદના અનુસંધાને હાથ ધરેલી વિજીલન્સ અને ખાતાકીય તપાસમાં તથ્ય જણાતા મ્યુનિસિપલ કમિશનરે 9 કર્મચારીઓને ટર્મિનેટ કરવાનો આદેશ કર્યો છે.

અમદાવાદ મહાનગરપાલિકાના ફાયર એન્ડ ઈમરજન્સી સર્વિસીસ વિભાગમાં અજમાયશી ધોરણે ફરજ બજાવતાં 9 કર્મચારીઓએ એનએફએસસી નાગપુરની ખોટી શૈક્ષણિક લાયકાત દર્શાવી હોવાની મ્યુનિસિપલ કમિશનરને ફરિયાદ મળી હતી.

તેથી મ્યુનિસિપલ કમિશનરે વિજીલન્સ અને ખાતાકીય તપાસ કરાવી હતી. આ તપાસમાં શૈક્ષણિક લાયકાત ખોટી હોવાનું સાબિત થતાં મ્યુનિસિપલ કમિશનરે શો કોઝ નોટિસ પાઠવીને ખુલાસો માગ્યો હતો. તમામ કર્મચારીઓએ કરેલો ખુલાસો સંતોષકારક ન જણાતા મ્યુનિસિપલ કમિશનરે ફાયર અને ઈમરજન્સી વિભાગમાં ફરજ બજાવતા 9 કર્મચારીઓને ટર્મિનેટ કરવા હુકમ કર્યો હતો. 

ક્યા કર્મચારીઓને ટર્મિનેટ કરાયા?

1 આસિફ એહમદ મોહમ્મદ હનીફ શેખ અજમાયશી સહાયક સબ ઓફિસર

2 સુધિરભાઈ દાદુભાઈ ગઢવી અજમાયશી સહાયક સ્ટેશન ઓફિસર

3 શુભમ અમીરદાન ખડીયા અજમાયશી સહાયક સ્ટેશન ઓફિસર

4 અભિજીત અજીતદાન ગઢવી અજમાયશી સહાયક સ્ટેશન ઓફિસર

5 મેહુલભાઈ ભરતભાઈ ગઢવી અજમાયશી સહાયક સ્ટેશન ઓફિસર

6 અનિરૂદ્ધસિંહ કનકસિંહ ગઢવી અજમાયશી સહાયક સ્ટેશન ઓફિસર

7 ઈનાયતહુસેન ઈબ્રાહિમભાઈ શેખ અજમાયશી ડિવિઝનલ ઓફિસર

8 ઓમ બિપિન જાડેજા અજમાયશી ડિવિઝનલ ઓફિસર

9 કૈઝાદ મહેરનોશ દસ્તુર અજમાયશી ડિવિઝનલ ઓફિસર