હવામાન વિભાગની આગાહી,15 નવેમ્બર પછી શિયાળો જામશે

રાજ્યમાં બેવડી ઋતુનો અહેસાસ થવાની હવામાન વિભાગે આગાહી કરી છે. વહેલી સવારે ધુમ્મસ અને ઠંડીનો અહેસાસ થવા લાગ્યો છે. તો બપોરના સમયે ગરમીનો અનુભવ થાય છે. જેને કારણે રાજ્યમાં હાલ બેવડી ઋતુની અસર જોવા મળી રહી છે.પવનની દિશા ઉત્તરથી ઉત્તર પૂર્વની થતાં મિશ્ર ઋતુનો અનુભવ થઇ રહ્યો છે.

હવામાન નિષ્ણાંત પરેશ ગૌસ્વામીએ ગુજરાતમાં ઠંડી ક્યારે શરૂ થશે તેની વાત કરી છે. તેમજ ખેડૂતો શિયાળું પાકના વાવેતર માટે ઠંડીની રાહ જોઈ રહ્યા છે તેઓએ વાવેતર ક્યારે કરવું તેની પણ માહિતી આપી છે.

પરેશ ગૌસ્વામીએ જણાવ્યું હતું કે ઉત્તર ભારતના પહાડી પ્રદેશમાં બરફ વર્ષા થયા પછી ઠંડી શરૂ થતી હોય છે. ઘણીવાર આ બરફ વર્ષાની શરૂઆત મોડી થતી હોય છે. ઘણીવાર દિવાળી પછી તરત ઠંડી શરૂ થાય છે જ્યારે ઘણીવાર દિવાળી પછી ઠંડી થોડી મોડી શરૂ થાય છે.

ગુજરાતનું સામાન્ય તાપમાન જે 4 ડિગ્રી વધુ હતું તે હાલ તાપમાન નોર્મલ થઈ ગયું છે. હાલ સવાર સાંજ ઠંડીનો અનુભવ જોવા મળી રહ્યો છે. હાલ બપોરનું તાપમાન નીચું જવું જોઈએ તે હજું ગયું નથી. 15 નવેમ્બર પછી શિયાળાની સારી એવી શરૂઆત થઈ જશે તેવી શક્યતાનથી. હવે શિયાળુ પાકનું વાવાતર એક સપ્તાહમાં શરૂ કરી દેવું જોઈએ.