કાઈટ ફેસ્ટિવલ: રંગબેરંગી પતંગો આકાશમાં લહેરાયા, 1000થી વધારે બાળકોએ લીધો ભાગ

 

ઉત્તર પ્રદેશના નોઈડાનું આકાશ શુક્રવારે રંગો અને ઉત્સાહથી ભરાઈ ગયું હતું.ત્રણ દિવસીય નોઈડા નેશનલ કાઈટ ફેસ્ટિવલ, 2024 ના સમાપન પર, મુખ્ય મહેમાન નોઈડા ઓથોરિટીના CEO ડૉ. લોકેશ એમ. અને ACEO સંજય ખત્રીએ વિજેતા ટીમોને પુરસ્કાર આપ્યા.કાર્યક્રમ દરમિયાન વિવિધ પ્રકારના પતંગોએ આકાશને આવરી લીધું હતું. વિવિધ ટીમોએ તેમની પતંગ ઉડાડવાની કૌશલ્ય પ્રદર્શિત કરી હતી.

કાર્યક્રમમાં 1000થી વધારે સ્કૂલના બાળકોએ ભાગ લીધો હતો.સ્ફિયર ઈન્ટરનેશનલ સ્કૂલના બાળકોએ સ્ટેજ પર તેમનું પતંગ ઉડાડવાનું કૌશલ્ય દર્શાવ્યું હતું, જેને લઈને દર્શકોના ઉત્સાહમાં પણ વધારો જોવા મલ્યો હતો. બાળકો આકાશમાં ઉડી રહેલી રંગ-બેરંગી પતંગોને જોઈને ખુબજ ઉત્સાહિત હતા. 

ઓડિશાની કાઈટ માઈન ઓવરઓલ ચેમ્પિયન હતી. કેરળ અને લક્ષદ્વીપની વન ઈન્ડિયા કાઈટ ટીમ રીંગ કાઈટ ચેમ્પિયનશીપ કેટેગરીમાં વિજેતા બની હતી. રાજસ્થાનની લેક સિટી કાઈટ ક્લબે ઈન્ડિયન ટ્રેડિશનલ ટ્રેન કાઈટ ચેમ્પિયનશિપ જીતી હતી.સ્પોર્ટ્સ કાઈટ ચેમ્પિયનશીપમાં આનંદ કાઈટ ક્લબ ઓફ ગુજરાતને એવોર્ડ આપવામાં આવ્યો હતો.આ ઉપરાંત કાઈટ ક્લિનિક ક્લબ ઓફ કર્ણાટક, બેંગલુરુએ શો કાઈટ ચેમ્પિયનશિપ જીતી હતી.

નોઈડા નેશનલ કાઈટ ફેસ્ટિવલએ કલા, સંસ્કૃતિ અને કૌશલ્યોની રંગીન ઉજવણી છે. જેમાં દેશભરમાંથી પતંગપ્રેમીઓ અને પતંગબાજો એક જગ્યાએ એકઠા થાય છે. આ કાર્યક્રમમાં પતંગ ઉડાવવાની કળાને સુંદર રીતે પ્રકાશિત કરવામાં આવી હતી અને સહભાગીઓમાં એકતા અને સર્જનાત્મકતાની ભાવના જગાવી હતી.