GPSCનો સંભવિત ભરતીનો કાર્યક્રમ જાહેર, 1751 જગ્યા માટે થશે ભરતી

ગુજરાત જાહેર સેવા આયોગ (GPSC) દ્વારા આગામી વર્ષોમાં થનારી ભરતી માટેનો સંભવિત કાર્યક્રમ જાહેર કરવામાં આવ્યો છે. GPSC દ્વારા આ વર્ષે વિવિધ વિભાગોમાં કુલ 1751 જગ્યાઓ પર ભરતી થવાની સંભાવના છે. આ જગ્યાઓ માટેની જાહેરાત આ વર્ષે જ કરવામાં આવી શકે છે.

1751 જગ્યાઓ માટેની જાહેરાત આવી શકે

GPSC દ્વારા જાહેર કરેલા આ સંભવિત ભરતી કાર્યક્રમમાં 1751 જુદી જુદી જગ્યાઓ માટેની જાહેરાત, પ્રાથમિક અને મુખ્ય કસોટી માટેની સંભવિત તારીખો આપવામાં આવી છે. GPSC તરફથી આ ભરતી માટે રસ ધરાવતા ઉમેદવારોને તાજા અપડેટ માટે GPSCની અધિકૃત વેબસાઇટ, ટ્વિટર પેજ અથવા એપ સાથે જોડાય રહેવાની અપિલ કરવામાં આવી છે.

GPSCના ત્રણ મહત્વના નિર્ણય

GPSC દ્વારા ઉમેદવારોને એઝામ આપતા અને પરીક્ષાઓ અંગે વધારે સગવડતા આપવા માટે ત્રણ મહત્વના નિર્ણય લેવાયા છે. GPSCના ચેરમેન હસમુખ પટેલે ટ્વિટર પર આ નિર્ણયો જાહેર કર્યા છે. પહેલા, GPSCમાં એવી જગ્યા પર જેવા કામનો અનુભવ જરૂરી નહીં હોય, તેમાં અંતિમ વર્ષના અભ્યાસ કરતા વિદ્યાર્થીઓ પણ અરજી કરી શકશે. બીજું, GPSCની ઇન્ટરવ્યૂ પ્રક્રિયામાં આવતા ઉમેદવારોને નાસ્તો અને ભોજન આપવામાં આવશે.

16મી ફેબ્રુઆરીએ પરીક્ષા નહીં યોજાય

GPSCની પરીક્ષાની તૈયારી કરી રહેલા ઉમેદવારો માટે એક મહત્વપૂર્ણ સમાચાર આવ્યા છે. 16મી ફેબ્રુઆરીએ પંચાયત ચૂંટણીના કારણે GPSCની પરીક્ષા યોજાઈ શકતી નથી. આ માટે નવી તારીખ ટૂંક સમયમાં જાહેર કરવામાં આવશે.