એર ઈન્ડિયા ફ્લાઇટમાં સવાર નશામાં ધૂત મુસાફરે મુશ્કેલી વધારી

28 જૂનની એર ઈન્ડિયાની શિડ્યુલ્ડ ફ્લાઇટમાં એક અનિચ્છનીય ઘટના બની છે. વહેલી સવારની અમૃતસર-દિલ્હીની એર ઈન્ડિયા ફ્લાઇટમાં એક નશામાં ધૂત વ્યક્તિ સવાર હતો. નશામાં ધૂત વ્યક્તિએ ફ્લાઇટ ક્રૂ અને બીજા મુસારો માટે મુશ્કેલી ઊભી કરી દીધી હતી. 

ચાળીસેક વર્ષનો દેખાતો આ વ્યક્તિને દિલ્હી જતી એર ઇન્ડિયાની ફ્લાઇટ AI 454માં ચઢવાની મંજૂરી આપવામાં આવી હતી. તેણે મુસાફરી દરમિયાન અન્ય મુસાફરો સાથે દુર્વ્યવહાર અને ગેરવર્તન કર્યું હતું. તેમાં એર ઇન્ડિયાના સ્ટાફે દખલ કરી અને તે વ્યક્તિને શાંત થવા કહ્યું. જો કે, તે પ્રયાસો નિષ્ફળ ગયા અને જ્યારે  વિમાન ઝડપથી ઉતરાણ તરફ નીચે ઉતરી રહ્યું હતું ત્યારે તે વ્યક્તિ ફક્ત તેની સીટ પરથી ઊભો થયો અને મુસાફર સાથે ઝઘડો કર્યો હતો. ત્યારબાદ એર ઇન્ડિયાના ક્રૂ મેમ્બર દ્વારા બીજા મુસાફરને તાત્કાલિક બિઝનેસ ક્લાસ સીટ પર ખસેડવામાં આવ્યો હતો.

આ ઘટના દરમિયાન તે વ્યક્તિ એર ઇન્ડિયાની મહિલા ક્રૂ મેમ્બરને તેના ચપ્પલ બતાવતો પણ જોવા મળ્યો હતો. ઇન્દિરા ગાંધી આંતરરાષ્ટ્રીય એરપોર્ટ પર વિમાન સુરક્ષિત રીતે ઉતર્યા પછી, એર ઇન્ડિયાના સ્ટાફ દ્વારા તે વ્યક્તિને બોર્ડમાં રોકી લેવામાં આવ્યો જ્યારે અન્ય મુસાફરો વિમાનમાંથી નીચે ઉતરી ગયા.