બિહાર: ઓવરલોડેડ હોડીએ લીધી જળસમાધી, દુર્ઘટનામાં બેનાં મોત

બિહારના સારણ જિલ્લાના તરૈયા પોલીસ સ્ટેશન વિસ્તારમાં શુક્રવારે બોટ અકસ્માતમાં બે યુવકોના મોત થયા હતા. હોડીમાં તેની ક્ષમતા કરતા વધુ લોકો હતા અને તે તળાવમાં પ્રવેશ્યા પછી પલટી ગઈ હતી.

એક પોલીસ અધિકારીએ જણાવ્યું કે આ અકસ્માત પચભીંડા ગામમાં થયો હતો,જ્યાં તળાવની એક તરફ છઠ ઉપવાસ કરનારા લોકો ઉગતા સૂર્યને જળ અર્પણ કરી રહ્યા હતા.બીજી તરફ કેટલાક યુવાનો તળાવના કિનારે પાર્ક કરેલી બોટ પર સવારી કરવા લાગ્યા હતા. કહેવાય છે કે માછીમારી માટે રાખવામાં આવેલી બોટમાં લગભગ 10 યુવકો સવાર થઈ ગયા અને તળાવમાં જવા લાગ્યા. હોડી તળાવની અંદર થોડા અંતરે જ ગઈ હતી જ્યારે તેની ક્ષમતા કરતાં વધુ સંખ્યામાં સવાર લોકો હોવાને કારણે તે પલટી ગઈ હતી.આ અકસ્માત બાદ ઘાટ પર અરાજકતાનો માહોલ સર્જાયો હતો. અકસ્માતનો એક વીડિયો પણ સામે આવ્યો છે, જેમાં બોટમાં સવાર લોકો પાણીમાં પડતા જોવા મળી રહ્યા છે.

 

તરૈયા પોલીસ સ્ટેશનના ઈન્ચાર્જ આશુતોષ કુમારે આઈએએનએસને જણાવ્યું કે બોટ દુર્ઘટના બાદ આઠ લોકો તરીને બહાર નીકળી ગયા હતા,પરંતુ બે લોકોના મોત થયા હતા. સ્ટેશન ઈન્ચાર્જે જણાવ્યું કે સ્થાનિક ડાઈવર્સની મદદથી બંને મૃતદેહોને તળાવમાંથી બહાર કાઢવામાં આવ્યા અને પોસ્ટમોર્ટમ માટે હોસ્પિટલમાં મોકલવામાં આવ્યા.મૃતકોની ઓળખ બિટ્ટુ કુમાર સિંહ અને સૂરજ કુમાર તરીકે થઈ છે.આ ઘટના બાદ ગામમાં છઠનો આનંદ માતમમાં ફેરવાઈ ગયો હતો.બિટ્ટુ તેમના પરિવારનો એકમાત્ર પુત્ર હતો. પોલીસ આ મામલે તપાસ કરી રહી છે