રાજ્યમાં ચાંદીપુરા વાયરસનું સંક્રમણ યથાવતઃ 68 બાળકોના મોત

રાજ્યમાં ચાંદીપુરા વાયરસનું સંક્રમણ યથાવત રહ્યુ છે. વાયરસના શંકાસ્પદ કેસોની સંખ્યા વધી રહી છે. 6 ઓગષ્ટ સુધીમાં શંકાસ્પદ ચાંદીપુરા વાયરસના 157 કેસ નોંધાયા છે. જ્યારે 68 બાળકોએ ચાંદીપુરા વાયરસથી જીવ ગુમાવ્યા છે. શંકાસ્પદ 157 કેસમાંથી 59 કેસનો રિપોર્ટ પોઝિટિવ આવ્યો છે. 157 શંકાસ્પદ કેસમાંથી 20 બાળકો સારવાર હેઠળ છે. જ્યારે 69 દર્દીઓને રજા આપવામાં આવી છે. રાજસ્થાનના કુલ 6 કેસ પૈકી 4 દર્દીઓ સારવાર હેઠળ છે અને 2 બાળકનું મોત થયુ છે. મધ્યપ્રદેશના 4 માંથી 3 દર્દી સારવાર હેઠળ અને 1 બાળકનું મોત થયુ છે. જ્યારે મહારાષ્ટ્રનું 1 બાળક સારવાર હેઠળ છે. આરોગ્ય વિભાગે અત્યાર સુધી 52,125 ઘરમાં સર્વેલન્સની કામગીરી કરી હોવાનો દાવો કર્યો છે. 

 

પંચમહાલ અને સાબરકાંઠામાં સૌથી વધુ 16 કેસ નોંધાયા :

સાબરકાંઠામાં 16, અરવલ્લીમાં 7, મહીસાગરમાં 4, ખેડામાં 7, મહેસાણામાં 10, રાજકોટમાં 7, સુરેન્દ્રનગરમાં 5, અમદાવાદ કોર્પોરેશનમાં 12, ગાંધીનગરમાં 8, પંચમહાલમાં 16, જામનગરમાં 7, મોરબીમાં 6, ગાંધીનગર કોર્પોરેશનમાં 3, છોટાઉદેપુરમાં 2, દાહોદમાં 4, વડોદરામાં 7, નર્મદામાં 2, બનાસકાંઠામાં 7, વડોદરા કોર્પોરેશન 2, ભાવનગરમાં 1, દેવભૂમિ દ્વારકામાં 2, રાજકોટ કોર્પોરેશનમાં 4, કચ્છમાં 5, સુરત કોર્પોરેશનમાં 2, ભરૂચમાં 4, અમદાવાદમાં 2, જામનગર કોર્પોરેશનમાં 1, પોરબંદર 1, પાટણમાં 1 અને ગીર સોમનાથમાં 1 અને અમરેલીમાં 1 મળી કુલ 157 શંકાસ્પદ કેસ નોંધાયા હોવાનું આરોગ્ય વિભાગે જણાવ્યુ છે.

 

વધુ 6 બાળકોએ જીવ ગુમાવ્યા :

શંકાસ્પદ 157 કેસમાંથી સાબરકાંઠામાં 5, અરવલ્લીમાં 3, મહીસાગરમાં 2, ખેડામાં 2, મહેસાણામાં 4, રાજકોટમાં 4, સુરેન્દ્રનગર 2, અમદાવાદ કોર્પોરેશન 6, ગાંધીનગર 3, પંચમહાલમાં 7, જામનગરમાં 3, મોરબીમાં 4, ગાંધીનગર કોર્પોરેશનમાં 2, દાહોદમાં 3, વડોદરામાં 2, નર્મદામાં 1, બનાસકાંઠામાં 4, વડોદરા કોર્પોરેશનમાં 1, દેવભૂમિ દ્વારકામાં 1, કચ્છમાં 4, સુરત કોર્પોરેશનમાં 1, ભરૂચમાં 1, જામનગર કોર્પોરેશનમાં 1, ગીર સોમનાથમાં 1 અને પાટણમાં 1 મળી કુલ 68 બાળકોના મોત થયા છે.