દિવાળીનો તહેવાર રોશની, સજાવટ, રંગોળી અને પરિવાર સાથે વિતાવેલી અનમોલ ક્ષણોનું પર્વ છે. દરેક વ્યક્તિ આ સુંદર અને પ્રકાશિત ક્ષણોને પોતાના સ્માર્ટફોનમાં કેદ કરીને સોશિયલ મીડિયા પર શેર કરવા માંગે છે. પરંતુ સમસ્યા એ છે કે રાત્રિના સમયે લેવાયેલા મોટાભાગના ફોટા અંધારાવાળા, ઝાંખા કે પછી વિગતો વગરના આવે છે.
જો તમારા ચહેરા સ્પષ્ટ ન દેખાય તો બધી મહેનત વ્યર્થ લાગે છે. ચિંતા ન કરો, ભલે તમારી પાસે મોંઘો કેમેરા ફોન કે DSLR ન હોય, માત્ર થોડી સરળ ટિપ્સને અનુસરીને તમે તમારા ₹૧૦,૦૦૦ ના સ્માર્ટફોનથી પણ પ્રોફેશનલ લેવલના દિવાળીના ફોટા લઈ શકો છો.
તમારા ફોટાને શ્રેષ્ઠ બનાવવા માટેની 5 સરળ ટિપ્સ:
<ol start="1">
<li>
પોટ્રેટ મોડનો જાદુ (Bokeh Effect): દિવાળીની રોશની વચ્ચે પોટ્રેટ મોડ સૌથી શ્રેષ્ઠ પરિણામ આપે છે. આ મોડમાં ચહેરા પર ફોકસ રાખો અને દીવા, મીણબત્તીઓ કે લાઇટના તારને બેકગ્રાઉન્ડમાં ચમકવા દો. પોટ્રેટ મોડ બેકગ્રાઉન્ડને સહેજ બ્લર (બોકેહ અસર) કરીને સુંદર ફોટો બનાવે છે. જો તમારો ફોન એડિટિંગનો વિકલ્પ આપે તો ફોકસ કે બોકેહની માત્રા પણ સેટ કરી શકાય છે.
</li>
<li>
ફ્લેશને 'ના', કુદરતી પ્રકાશને 'હા': સ્માર્ટફોનનો બિલ્ટ-ઇન ફ્લેશ ફોટાને નિસ્તેજ અને કઠોર બનાવી દે છે. ફ્લેશનો ઉપયોગ ટાળો. તેના બદલે, બાજુમાંથી આવતા નરમ પ્રકાશનો ઉપયોગ કરો, જેમ કે દીવો, બલ્બ કે રિંગ લાઇટ. આ તમારા ચહેરાને કુદરતી, સ્પષ્ટ અને તહેવારને અનુરૂપ તેજસ્વી બનાવશે.
</li>
<li>
નાઇટ મોડનો ઉપયોગ અને સ્થિરતા: રાત્રિના ફોટોગ્રાફી માટે નાઇટ મોડ (Night Mode) અત્યંત અસરકારક છે. આ મોડ પ્રકાશ એકત્રિત કરવા માટે સામાન્ય રીતે ૫ થી ૧૦ સેકન્ડ લે છે. આ દરમિયાન ફોન સહેજ પણ ખસે નહીં તેનું ધ્યાન રાખો. તમારો ફોન જેટલો સ્થિર હશે, ફોટો એટલો જ સ્પષ્ટ અને વધુ વિગતવાર આવશે. કેમેરા ઇન્ટરફેસમાં નાઇટ મોડનો વિકલ્પ પસંદ કરવો જરૂરી છે.
</li>
<li>
એક્સપોઝર સ્લાઇડરનો ઉપયોગ: ફોટો લેતી વખતે જો તમને ફોટો વધુ પડતો અંધારિયો કે વધુ પડતો પ્રકાશિત લાગે, તો કેમેરા ઇન્ટરફેસમાં આપેલા તેજને સમાયોજિત કરવાના સ્લાઇડરનો ઉપયોગ કરો. સ્લાઇડરને ઉપર-નીચે કરીને તમે દીવા અને ચહેરાના તેજ વચ્ચે સંતુલન લાવી શકો છો.
</li>
<li>
વાઇડ-એંગલનો સમજદારીપૂર્વક ઉપયોગ: જો તમારે આખી બાલ્કનીની લાઇટિંગ, રંગોળી કે ઘરની સજાવટ બતાવવી હોય તો વાઇડ-એંગલ મોડનો ઉપયોગ કરો. જોકે, એ યાદ રાખો કે વાઇડ-એંગલ લેન્સ સામાન્ય રીતે મુખ્ય લેન્સ કરતાં ઓછી ગુણવત્તાવાળો હોય છે અને બાજુના ખૂણાઓ સહેજ વિકૃત થઈ શકે છે. જો આખી ફ્રેમની સખત જરૂર ન હોય, તો મુખ્ય (Primary) કેમેરાનો ઉપયોગ કરવો શ્રેષ્ઠ છે.
</li>
</ol>

આ 5 સરળ ટિપ્સથી ફોન બનશે DSLR

રાત્રે ફોટો પાડવાની સમસ્યા? પોટ્રેટ, નાઈટ મોડ અને લાઈટિંગનો આ રીતે ઉપયોગ કરો

October 20, 2025 | 19:59 IST