કોણ છે જેને ડેટ કરી રહી છે નોરા ફતેહી?

બોલીવુડની હોટ અને ટેલેન્ટેડ ડાન્સર-એક્ટ્રેસ નોરા ફતેહી ફરી એકવાર ચર્ચામાં છે, પરંતુ આ વખતે તેનું કારણ તેનો કોઈ નવો ડાન્સ નંબર કે ફિલ્મ પ્રોજેક્ટ નહીં, પરંતુ તેની પર્સનલ લાઈફ છે. અહેવાલો અનુસાર, નોરા એક જાણીતા આંતરરાષ્ટ્રીય ફૂટબોલરને ડેટ કરી રહી છે, અને આ અફવાઓને વધુ વેગ આપ્યો છે તેના તાજેતરના મોરોક્કો પ્રવાસે, જ્યાં તે AFCON 2025 (આફ્રિકા કપ ઓફ નેશન્સ)ની મેચ જોવા પહોંચી હતી.

નોરા એક પ્રખ્યાત ફૂટબોલર સાથે રિલેશનશિપમાં છે. આ બંનેને અગાઉ દુબઈ અને હવે મોરોક્કોમાં એકસાથે જોવા મળ્યા છે, જેના કારણે અફવાઓએ જોર પકડ્યું છે. નોરા તાજેતરમાં મોરોક્કોમાં AFCON 2025ની મેચો જોવા ગઈ હતી, જ્યાં તે સ્ટેડિયમમાં ઉત્સાહથી ભરેલી અને ભાવુક જોવા મળી હતી. આ ટુર્નામેન્ટ ૨૧ ડિસેમ્બર ૨૦૨૫થી ૧૮ જાન્યુઆરી ૨૦૨૬ સુધી મોરોક્કોમાં ચાલી રહી છે.

નોરાનો મોરોક્કો સાથે ગાઢ સંબંધ છે – તેનું મૂળ વતન મોરોક્કન છે, અને તે અવારનવાર ત્યાંની સંસ્કૃતિ અને ફૂટબોલ વિશે વાત કરે છે. તેના મોરોક્કો પ્રવાસના ફોટા અને વીડિયો સોશિયલ મીડિયા પર વાયરલ થઈ રહ્યા છે, જેમાં તે સ્ટેડિયમમાં મેચનો આનંદ માણતી અને મિત્રો સાથે સમય વિતાવતી જોવા મળે છે. આ પોસ્ટ્સે તેના કથિત બોયફ્રેન્ડની ચર્ચાને વધુ વેગ આપ્યો છે.

જોકે, આ ફૂટબોલરનું નામ હજુ સુધી ઓફિશિયલી જાહેર થયું નથી. કેટલાક ઓનલાઈન ચર્ચાઓ અને ફેન્સના અનુમાન પ્રમાણે, મોરોક્કન સ્ટાર ફૂટબોલર અચરફ હકીમી સાથે તેનું નામ જોડાઈ રહ્યું છે, કારણ કે તેણે નોરાની તાજેતરની ઈન્સ્ટાગ્રામ પોસ્ટને લાઈક કરી છે. અચરફ હકીમી પીએસજીના સ્ટાર પ્લેયર છે અને મોરોક્કોના રાષ્ટ્રીય ટીમના કેપ્ટન છે, જે કરોડોની સંપત્તિ ધરાવે છે.

નોરા ફતેહીએ હજુ સુધી આ અફવાઓ પર કોઈ ઓફિશિયલ પ્રતિક્રિયા આપી નથી. તે હંમેશા તેના અંગત જીવનને પ્રાઈવેટ રાખવાનું પસંદ કરે છે અને કારકિર્દી પર ફોકસ કરે છે. તે તાજેતરમાં સનબર્ન ફેસ્ટિવલમાં પર્ફોર્મ કરી હતી અને ડેવિડ ગેટા તથા સિયારા સાથે નવા સિંગલ પર કામ કરી રહી છે.

આ અફવાઓએ ફેન્સમાં ઉત્સુકતા વધારી છે, અને સોશિયલ મીડિયા પર આ મુદ્દો ટ્રેન્ડિંગ બન્યો છે. શું આ અફવા સાચી છે કે માત્ર અટકળો? વધુ અપડેટ્સ માટે જુડાયેલા રહો!