સની દેઓલના બોર્ડરની સિક્વલની રીલીઝ ડેટ કરાઇ જાહેર 

સની દેઓલની સૌથી ચર્ચાયેલ ફિલ્મ બોર્ડરની હવે સિક્વલ બનવા જઇ રહી છે. ફિલ્મ બોર્ડર 2નું ત્રીજું શેડ્યુલ પુણે સ્થિત રાષ્ટ્રીય સંરક્ષણ એકેડેમીમાં શરૂ થયું છે. આ ફિલ્મમાં સની દેઓલ અને વરુણ ધવન સાથે જોવા મળવાના હતા. જેમાં હવે અન્ય બે કલાકારો  પણ જોડાયા છે. સની દેઓલે ઇન્સ્ટાગ્રામ ઉપર પોસ્ટ કરી દર્શકોને વધુ માહિતી આપી તેમજ તેની ફિલ્મ બોર્ડર 2માં આહાન શેટ્ટી અને દિલજીત દોસાંજના જોડાવાની વાત પ્રેક્ષકો સમક્ષ કરી છે.

ફિલ્મ બોર્ડર 2ના નિર્માતા ભૂષણ કુમાર, નિધિ દત્તા, દિગ્દર્શક અનુરાગ સિંહ, સહ-નિર્માતા શિવ ચનાના અને બિનોય ગાંધીની આગેવાની હેઠળની પ્રોડક્શન ટીમ હિંમત અને ભાઈચારાની આ ગાથાને જીવંત કરવા માટે અથાક મહેનત કરી રહી છે. બોર્ડર 2 દેશભક્તિ અને જુસ્સાની મહાકાવ્ય વાર્તા બનવાનું વચન આપે છે, જે આપણા સશસ્ત્ર દળોના અતૂટ જુસ્સાને દર્શાવે છે.તેના ઉત્કૃષ્ટ કલાકારો અને સમર્પિત ક્રૂ સાથે આ ફિલ્મ એક શાનદાર સિનેમેટિક અનુભવ આપવા માટે તૈયાર છે.

બોર્ડર 2ની રીલીઝ ડેટ પણ હવે જાહેર કરવામાં આવી છે. આ ફિલ્મ 2026માં રીલીઝ કરવામાં આવશે. બોર્ડર 2 23 જાન્યુઆરી, 2026માં રૂપેરી પડદે જોવા મળશે.