સલમાન ખાને બાળકોને સાયકલ ભેટમાં આપી

ભાઈજાન તરીકે જાણીતા અભિનેતા સલમાન ખાન આજકાલ ખૂબ ચર્ચામાં છે. તેઓ તેમના ચાહકોને ખૂબ પ્રેમ કરે છે અને ક્યારેય તેમને નિરાશ કરતા નથી. સલમાન ખાન હંમેશા મોટા દિલના રહ્યા છે અને જરૂરિયાતમંદોની મદદ માટે આગળ આવે છે.

હાલમાં તેમનો એક વિડીયો સોશિયલ મીડિયા પર વાયરલ થઈ રહ્યો છે જેમાં તેઓ નાના બાળકો સાથે વાતચીત કરતા જોવા મળે છે. તેમના નજીકના કોરિયોગ્રાફર સાજન સિંહે આ વિડીયો શેર કર્યો હતો. વિડીયોમાં સલમાન ખાન મુંબઈના એક સાયકલ શોરૂમમાં જોવા મળે છે જ્યાં તેમણે બધા બાળકોને સાયકલ ભેટમાં આપી હતી અને દરેક બાળકે પોતાની પસંદગીની સાયકલ પસંદ કરી હતી.

થોડા દિવસો પહેલા તેમની ફિલ્મ 'સિકંદર'ના એક બાળ કલાકારનો વિડીયો પણ વાયરલ થયો હતો જેમાં તેણે જણાવ્યું હતું કે સલમાન ખાને બધા બાળકોને ખૂબ મોંઘી સાયકલ ભેટમાં આપી હતી, જે સાયકલ તેઓ ઘણા વર્ષોથી ઇચ્છતા હતા. ત્યાં હાજર એક અજાણ્યા બાળકને પણ તેમણે સાયકલ અપાવી હતી. સલમાન ખાનને બાળકોને ખુશ કરવાની તક ક્યારેય છોડતા નથી અને તેમને તેમની સાથે સમય પસાર કરવો ખૂબ ગમે છે.

આ ઘટનાથી તેમના ચાહકો ખૂબ જ ખુશ છે અને તેમને 'ગોલ્ડન હાર્ટેડ મેન' કહી રહ્યા છે. ઘણા લોકોએ તેમની ઉદારતાની પ્રશંસા કરી છે.

સલમાન ખાનની ફિલ્મ 'સિકંદર' તાજેતરમાં જ ઈદના અવસર પર રિલીઝ થઈ હતી અને બોક્સ ઓફિસ પર સફળ રહી હતી. આ ફિલ્મમાં રશ્મિકા મંદાના અને કાજલ અગ્રવાલે પણ કામ કર્યું હતું અને તેનું દિગ્દર્શન એ આર મુરુગાદોસે કર્યું હતું.