કોર્ટમાં રડી પડી રાણ્યા, 14 દિવસની ન્યાયિક કસ્ટડીમાં મોકલવામા આવી

અભિનેત્રી રાણ્યા રાવને કોર્ટે 14 દિવસની ન્યાયિક કસ્ટડીમાં મોકલી દીધી છે. જોકે, તેની જામીન અરજી પર મંગળવારે સુનાવણી થશે. અભિનેત્રી રાણ્યા રાવ કોર્ટમાં રડી પડી. તેણે આરોપ લગાવ્યો કે કસ્ટડીમાં તેમને મૌખિક ધમકી આપવામાં આવી હતી અને ત્રાસ આપવામાં આવ્યો હતો. અભિનેત્રીએ કહ્યું કે હું આઘાતમાં છું. હું ભાવનાત્મક રીતે પણ તૂટી ગઇ છું.

દુબઈ સોનાની દાણચોરીના કેસમાં ધરપકડ કરાયેલી કન્નડ અભિનેત્રી રાણ્યા રાવને સોમવારે ત્રણ દિવસની કસ્ટડી પૂરી થતાં આર્થિક ગુના કોર્ટમાં રજૂ કરવામાં આવી હતી. કોર્ટે રાણ્યા રાવને 24 માર્ચ સુધી ન્યાયિક કસ્ટડીમાં મોકલી દીધા છે.

અગાઉ, પોલીસ પૂછપરછ દરમિયાન, અભિનેત્રીએ કહ્યું હતું કે મને ફસાવવામાં આવી રહી છે. હું સોનાની દાણચોરી કરતી ગેંગ સાથે સંકળાયેલી નથી. ૩ માર્ચે બેંગલુરુના કેમ્પેગૌડા આંતરરાષ્ટ્રીય એરપોર્ટ પર કરોડો રૂપિયાના સોના સાથે ડીઆરઆઈ દ્વારા અભિનેત્રીને પકડવામાં આવી હતી.

રાણ્યા કોર્ટમાં રડી પડી
કોર્ટમાં, રાણ્યા રાવે જણાવ્યું હતું કે ડિરેક્ટોરેટ ઓફ રેવન્યુ ઇન્ટેલિજન્સ (DRI) એ તેની કસ્ટડીમાં તેણીને મૌખિક રીતે ત્રાસ આપ્યો હતો. તે અંદરથી તૂટી ગઈ છે. રાણ્યા રાવ કોર્ટમાં રડવા લાગી અને કહ્યું કે મને મૌખિક રીતે ધમકી આપવામાં આવી છે અને હેરાન કરવામાં આવી છે. જોકે, તેમણે શારીરિક ત્રાસનો સ્પષ્ટ ઇનકાર કર્યો હતો. રાણ્યાએ કોર્ટને વધુમાં કહ્યું કે હું આઘાતમાં છું અને ભાવનાત્મક રીતે તૂટી ગઈ છું.

સોશિયલ મીડિયા પર એક ફોટો વાયરલ થઈ રહ્યો છે. આમાં રાણ્યા રાવની આંખની આસપાસ ઈજાના નિશાન દેખાય છે. આ પછી જ શારીરિક ત્રાસનો મુદ્દો સામે આવ્યો. જોકે, DRI એ આરોપોને નકારી કાઢ્યા છે. એજન્સીનું કહેવું છે કે પૂછપરછ અને ધરપકડ સીસીટીવી દેખરેખ હેઠળ થઈ હતી. કોર્ટ મંગળવારે રાણ્યા રાવની જામીન અરજી પર સુનાવણી કરશે.

એવું કહેવામાં આવી રહ્યું છે કે તલાશી દરમિયાન રાણ્યા રાવના ઘરમાંથી કરોડોની રોકડ અને ઘરેણાં મળી આવ્યા છે. રાણ્યાના સાવકા પિતા કર્ણાટકના એક વરિષ્ઠ IPS અધિકારી છે. રાણ્યા છેલ્લા 15 દિવસમાં ચાર વખત દુબઈ ગઈ હતી. ખાસ વાત એ હતી કે તે દર વખતે એક જ ડ્રેસ પહેરતી હતી. આના કારણે એજન્સીઓનો તેમના પર શંકા વધુ ઘેરી બની. રાણ્યા છેલ્લા એક વર્ષમાં 27 વાર દુબઈ ગઈ હતી.