ભારતીય સિનેમામાં અત્યારે રણવીર સિંહ સ્ટારર ફિલ્મ 'ધુરંધર: ધ રિવેન્જ' ની ચર્ચાઓ ચોતરફ થઈ રહી છે. આ ફિલ્મ હજુ સિનેમાઘરોમાં રિલીઝ થાય તે પહેલા જ કમાણીના તમામ જુના રેકોર્ડ્સ તોડી રહી છે. અત્યાર સુધીના લેટેસ્ટ રિપોર્ટ મુજબ, ફિલ્મે એડવાન્સ બુકિંગ દ્વારા વૈશ્વિક સ્તરે 100 કરોડ રૂપિયાથી વધુની કમાણી કરીને ટ્રેડ એક્સપર્ટ્સને ચોંકાવી દીધા છે.
એડવાન્સ બુકિંગમાં 100 કરોડનો આંકડો પાર :&nbsp;
શનિવારના કારોબારના આંકડા મુજબ, ફિલ્મે ગ્લોબલ એડવાન્સ કલેક્શનમાં 101 કરોડ રૂપિયાનું સીમાચિહ્ન પાર કરી લીધું છે. આ કમાણીમાં ભારતનો હિસ્સો 44 કરોડ રૂપિયા છે, જ્યારે વિદેશી બજારોમાંથી અંદાજે 57 કરોડ રૂપિયાનું બુકિંગ નોંધાયું છે. જે રીતે બુકિંગની ગતિ વધી રહી છે, તે જોતા ભારતની સાથે સાથે વિદેશી પ્રેક્ષકોમાં પણ આ ફિલ્મ માટે ભારે ક્રેઝ જોવા મળી રહ્યો છે.
ઓસ્ટ્રેલિયામાં બાહુબલી 2 નો રેકોર્ડ તોડ્યો :&nbsp;
આ ફિલ્મે માત્ર બોલિવૂડ જ નહીં પરંતુ સમગ્ર ભારતીય સિનેમાના ઇતિહાસમાં પોતાનું નામ સુવર્ણ અક્ષરે અંકિત કર્યું છે. ઓસ્ટ્રેલિયામાં આ ફિલ્મે 1.05 મિલિયન ઓસ્ટ્રેલિયન ડોલરની કમાણી કરીને એસ.એસ. રાજામૌલીની બ્લોકબસ્ટર ફિલ્મ 'બાહુબલી: ધ કન્ક્લુઝન' ના રેકોર્ડને પાછળ છોડી દીધો છે. ઓવરસીઝ માર્કેટમાં આ પ્રકારનો પ્રતિસાદ અગાઉ ભાગ્યે જ કોઈ ફિલ્મ માટે જોવા મળ્યો છે.
વિદેશી બજારોમાં હાઉસફુલના બોર્ડ :&nbsp;
નોર્થ અમેરિકામાં પણ ફિલ્મનું પ્રી-સેલ્સ 3.40 મિલિયન ડોલર સુધી પહોંચી ગયું છે. ટ્રેડ એનાલિસ્ટ્સનું અનુમાન છે કે આ આંકડો ટૂંક સમયમાં 5 મિલિયન ડોલરને સ્પર્શી જશે. અમેરિકા અને કેનેડા જેવા દેશોમાં અનેક થિયેટરો અત્યારથી જ હાઉસફુલ થઈ ગયા છે, જેને પગલે ડિસ્ટ્રીબ્યુટર્સ આગામી દિવસોમાં શોની સંખ્યા વધારવાનું વિચારી રહ્યા છે.
200 કરોડના લક્ષ્ય તરફ આગેકૂચ :&nbsp;
જો આ જ ગતિ જળવાઈ રહેશે તો વૈશ્વિક એડવાન્સ બુકિંગ સરળતાથી 150 કરોડને પાર કરી જશે. જો ભારતીય માર્કેટમાં ફિલ્મનું પ્રદર્શન ધારણા મુજબ રહેશે, તો પ્રી-સેલ્સનો આંકડો 200 કરોડ સુધી પહોંચી શકે છે. જો આવું થશે તો રણવીર સિંહની આ ફિલ્મ 'પુષ્પા 2', 'લિયો' અને 'RRR' જેવી ફિલ્મોને પાછળ છોડીને સૌથી મોટું ઓપનિંગ મેળવનારી ફિલ્મ બની શકે છે.
પ્રથમ ભાગની સફળતાનો પાયો :&nbsp;
ઉલ્લેખનીય છે કે આ અગાઉ 'ધુરંધર' ના પ્રથમ ભાગે વિશ્વભરમાં 1,303 કરોડ રૂપિયાની કમાણી કરી હતી. તે ભારતમાં સૌથી વધુ કમાણી કરનારી સિંગલ લેંગ્વેજ હિન્દી ફિલ્મ બની હતી. તે સમયે અમેરિકા અને કેનેડામાં 'બાહુબલી 2' નો રેકોર્ડ તોડીને ફિલ્મે સાબિત કર્યું હતું કે તેની પાસે મજબૂત ફેનબેઝ છે. હવે બીજા ભાગ સાથે આ સફળતા નવી ઊંચાઈઓ સર કરી રહી છે.&nbsp;

રિલીઝ પહેલા જ 100 કરોડ પાર, ઓસ્ટ્રેલિયામાં બાહુબલી 2નો વર્ષો જૂનો રેકોર્ડ ધરાશાયી કર્યો

March 16, 2026 | 16:20 IST