બોલિવૂડ સુપરસ્ટાર રણવીર સિંહની આગામી એક્શન પેક્ડ ફિલ્મ &lsquo;ધુરંધર 2&rsquo; ને લઈને પ્રેક્ષકોમાં ભારે ઉત્તેજના છે. જોકે, રિલીઝના ગણતરીના કલાકો પહેલા ફિલ્મ સેન્સર બોર્ડના કડક વલણને કારણે ચર્ચામાં આવી છે. સેન્ટ્રલ બોર્ડ ઓફ ફિલ્મ સર્ટિફિકેશન (CBFC) એ ફિલ્મને 'A' એટલે કે માત્ર પુખ્ત વયના લોકો માટેનું સર્ટિફિકેટ આપ્યું છે. 19 માર્ચે સિનેમાઘરોમાં દસ્તક દેનારી આ ફિલ્મમાં અનેક મોટા ફેરફારો કરવામાં આવ્યા છે.
બોલિવૂડની સૌથી લાંબી ફિલ્મોમાં સ્થાન :&nbsp;
&lsquo;ધુરંધર&rsquo;નો પહેલો ભાગ 3 કલાક 34 મિનિટનો હતો, જે ઘણો લાંબો ગણાતો હતો. પરંતુ તેની સિક્વલ &lsquo;ધુરંધર 2&rsquo; એ રેકોર્ડ તોડી નાખ્યો છે. સેન્સરના કટ બાદ પણ આ ફિલ્મનો રનટાઇમ 229 મિનિટ એટલે કે 3 કલાક અને 49 મિનિટનો છે. આ સાથે જ તે બોલિવૂડ ઇતિહાસની છઠ્ઠી સૌથી લાંબી ફિલ્મ બની ગઈ છે. જો સેન્સર બોર્ડે કાતર ન ચલાવી હોત, તો આ ફિલ્મ 230 મિનિટથી પણ વધુ લાંબી હોત.
સેન્સર બોર્ડના મહત્વના સુધારા અને કટ :&nbsp;
ફિલ્મમાં અત્યંત હિંસા અને વાંધાજનક સંવાદો હોવાને કારણે બોર્ડે નીચે મુજબના ફેરફારોની સૂચના આપી હતી:
હિંસક દ્રશ્યો: હથોડાથી માથા પર મારવાના, માથું કાપવાના અને આંખ ફોડવાના દ્રશ્યોને ટૂંકાવવામાં આવ્યા છે.
શબ્દપ્રયોગ: અપશબ્દો મ્યૂટ કરવામાં આવ્યા છે અથવા બદલવામાં આવ્યા છે. વળી, માહિતીના ભાગમાં "લાહોર" ના સ્થાને "દિલ્હી" શબ્દનો ઉપયોગ કરવામાં આવ્યો છે.
ડ્રગ્સ વોર્નિંગ: ડ્રગ્સ સંબંધિત દ્રશ્યોમાં કાયમી ધોરણે ચેતવણી પ્રદર્શિત કરવાનું ફરજિયાત કરવામાં આવ્યું છે.
રાજકીય સંદર્ભ: વડાપ્રધાન સંબંધિત સંદર્ભો અને ન્યૂઝ ફૂટેજને મંજૂરી આપવામાં આવી છે, પરંતુ નોટબંધીની તારીખોમાં સુધારો કરવામાં આવ્યો છે.
સ્ટાર કાસ્ટ અને રિલીઝની વિગતો :&nbsp;
આદિત્ય ધરના નિર્દેશનમાં બનેલી આ ફિલ્મમાં રણવીર સિંહની સાથે સંજય દત્ત, અર્જુન રામપાલ અને સારા અર્જુન મુખ્ય ભૂમિકામાં છે. ફિલ્મનો પહેલો ભાગ બ્લોકબસ્ટર રહ્યો હતો અને ભારતની સૌથી વધુ કમાણી કરનારી ફિલ્મોમાંની એક હતો. 19 માર્ચે રિલીઝ થઈ રહેલી આ ફિલ્મ માટે આજે રાત્રે 8 વાગ્યાથી પેઇડ પ્રિવ્યૂ પણ શરૂ થવા જઈ રહ્યા છે.
ભારે એક્શન અને હિંસાને કારણે આ ફિલ્મને બાળકોથી દૂર રાખવામાં આવી છે, ત્યારે હવે જોવાનું એ રહેશે કે રણવીર સિંહનો આ રૌદ્ર અવતાર બોક્સ ઓફિસ પર કેટલો ધમાકો કરે છે.&nbsp;

સેન્સર બોર્ડે હિંસક દ્રશ્યો પર ચલાવી કાતર, 3 કલાક 49 મિનિટ લાંબી ફિલ્મ 19 માર્ચે થશે રિલીઝ

March 18, 2026 | 16:16 IST