પાકિસ્તાનીઓને સોરી કહેવા પર વિવાદમાં ફસાયો રણવીર અલ્હાબાદિયા, યુઝર્સ ભડક્યા

જાણીતા યુટ્યુબર અને પોડકાસ્ટર રણવીર અલ્હાબાદિયા ફરી એકવાર સોશિયલ મીડિયા પર વિવાદોમાં ફસાયા છે. તાજેતરમાં ભારત અને પાકિસ્તાન વચ્ચે વધતા તણાવના વાતાવરણમાં રણવીરે એક એવી પોસ્ટ કરી દીધી હતી, જેના કારણે તેમને ખૂબ ટ્રોલ કરવામાં આવી રહ્યા છે.

હકીકતમાં, 10 મેના રોજ રણવીરે તેમના ઇન્સ્ટાગ્રામ એકાઉન્ટ પર ઘણી પોસ્ટ શેર કરી હતી. તેમાંથી એક પોસ્ટમાં તેમણે પાકિસ્તાનીઓ પાસે માફી માંગતા લખ્યું હતું, "મારા પ્રિય પાકિસ્તાની ભાઈઓ અને બહેનો, મને ખબર છે કે આ માટે મારે ઘણા ભારતીયોની નફરત સહન કરવી પડશે, પરંતુ એ કહેવું જરૂરી છે કે મારા દિલમાં તમારા લોકો માટે કોઈ નફરત નથી. આપણામાંથી ઘણા ભારતીયો શાંતિ ઇચ્છે છે."

 

તેમણે આગળ લખ્યું હતું, "તમારી સરકારને ખરેખર કોણ ચલાવે છે, તે આપણે બધા જાણીએ છીએ. તમારી સેના અને તમારી ગુપ્તચર એજન્સી (ISI). આ બે ખલનાયકોએ માત્ર પાકિસ્તાનની અર્થવ્યવસ્થાને જ નુકસાન નથી પહોંચાડ્યું, પરંતુ ભારત પરના આતંકવાદી હુમલાઓ માટે પણ તેઓ જ જવાબદાર છે. જો તમને લાગી રહ્યું છે કે અમે નફરત ફેલાવી રહ્યા છીએ તો દિલથી માફી માંગુ છું."

જો કે, જેવી જ આ પોસ્ટ પર વિવાદ વધ્યો, રણવીરે તેને ડિલીટ કરી દીધી. પરંતુ ત્યાં સુધીમાં ઘણી મોડું થઈ ગયું હતું. યુઝર્સે પોસ્ટનો સ્ક્રીનશોટ શેર કરીને રણવીરને ખૂબ ટ્રોલ કરવાનું શરૂ કરી દીધું. એક યુઝરે કમેન્ટ કરી, "તું જેલમાં ઠીક હતો." બીજાએ કટાક્ષમાં કહ્યું, "હવે ડર લાગી રહ્યો છે શું? પોસ્ટ ડિલીટ કેમ કરી?"

આ ઉપરાંત, એક અન્ય યુઝરે તેમને પાકિસ્તાનમાં જ રહેવાની સલાહ આપી દીધી, જ્યારે ઘણા યુઝર્સે તેમને અનફોલો કરવાની વાત કહી.

તમને જણાવી દઈએ કે, રણવીર અલ્હાબાદિયા પહેલીવાર વિવાદોમાં નથી ફસાયા. આ પહેલા પણ તેઓ યુટ્યુબર સમય રૈનાના શો 'ઇન્ડિયાઝ ગોટ લેટેન્ટ'માં આપેલા એક વિવાદાસ્પદ નિવેદનને લઈને ચર્ચામાં આવ્યા હતા, જેના માટે તેમને ખૂબ ટ્રોલ કરવામાં આવ્યા હતા અને તેમની વિરુદ્ધ એફઆઈઆર પણ નોંધાઈ હતી. આ વખતે પાકિસ્તાનીઓ પાસે માફી માંગવાની તેમની પોસ્ટ તેમને ભારે પડી રહી હોય તેમ લાગી રહ્યું છે.