જાણીતા કોમેડિયન કપિલ શર્માના કેનેડાના સરે સ્થિત 'કેપ્સ કાફે' પર ફરી એક વખત ગોળીબારની ઘટના બની છે. કારમાં આવેલા કેટલાક અજાણ્યા લોકોએ કાફે પર ગોળીબાર કર્યો હતો, જેનો વીડિયો સોશિયલ મીડિયા પર વાયરલ થઈ રહ્યો છે. આ એક મહિનામાં બીજી વખત છે જ્યારે કપિલ શર્માના કાફે પર હુમલો થયો છે. અગાઉ 10 જુલાઈના રોજ પણ ફાયરિંગ થયું હતું. આ હુમલાની જવાબદારી કુખ્યાત ગેંગસ્ટર લોરેન્સ બિશ્નોઈ ગેંગ અને ગોલ્ડી ઢિલ્લને લીધી છે, જેના કારણે અનેક સવાલો ઊભા થયા છે.
<h3>કપિલ શર્મા નિશાના પર કેમ?</h3>
આ ઘટનામાં કોઈને ઈજા થઈ હોવાના સમાચાર નથી, પરંતુ એવી અટકળો ચાલી રહી છે કે ગેંગનો ઉદ્દેશ્ય કોઈને મારવાનો નહીં, પરંતુ કપિલ શર્માને ડરાવવાનો છે. મુંબઈ પોલીસે કપિલ શર્માને સુરક્ષા પૂરી પાડી છે અને જરૂર પડ્યે તેને વધારવામાં પણ આવી શકે છે. ભારતીય સુરક્ષા એજન્સીઓ દ્વારા આ મામલાની તપાસમાં કપિલ શર્માને નિશાન બનાવવામાં આવવાના બે મુખ્ય કારણો સામે આવ્યા છે:
<ol start="1">
<li>
ધાર્મિક ટિપ્પણીનો વિવાદ: તાજેતરમાં 'કોમેડી નાઈટ વિથ કપિલ શર્મા' શોમાં એક સ્પર્ધકે શીખ ધર્મ પર કથિત રીતે વાંધાજનક ટિપ્પણી કરી હતી. લોરેન્સ બિશ્નોઈ ગેંગ, જેનું કનેક્શન પંજાબ સાથે છે, આ ટિપ્પણીથી નારાજ હોવાનું મનાય છે. આ ઘટના બાદ કપિલ શર્માને ધમકીઓ મળવા લાગી હતી, અને હવે આ હુમલો તેના જ ભાગરૂપે ગણાઈ રહ્યો છે.
</li>
<li>
સલમાન ખાન સાથેની નિકટતા: કપિલ શર્મા છેલ્લા કેટલાક સમયથી અભિનેતા સલમાન ખાનની ખૂબ નજીક આવી ગયા છે, અને તેમની ગણતરી સલમાનના મિત્રોમાં થાય છે. સલમાન ખાન લોરેન્સ બિશ્નોઈ ગેંગના મુખ્ય નિશાના પર છે. એવું માનવામાં આવે છે કે કપિલ શર્માને નિશાન બનાવીને લોરેન્સ ગેંગ સલમાન ખાનના અન્ય નજીકના મિત્રોને પણ ચેતવણી આપવા માગે છે.
</li>
</ol>

લોરેન્સ બિશ્નોઈ ગેંગે લીધી જવાબદારી

કપિલ શર્માના કેનેડા કાફેમાં બીજી વખત ફાયરિંગ, મુંબઈમાં આવેલા ઘરની સુરક્ષા વધારવામાં આવી

August 8, 2025 | 19:21 IST