સૈફ અલી ખાન પર હુમલાની ઇન સાઇડ સ્ટોરી, જે તમને ચોંકાવી દેશે

બુધવારે વહેલી સવારે બોલિવૂડ અભિનેતા સૈફ અલી ખાન પર એક વ્યક્તિએ તીક્ષ્ણ હથિયાર વડે હુમલો કર્યો હતો. સૈફ અને કરીના મુંબઈમાં સદગુરુ શરણ બિલ્ડિંગના 12માં માળે રહે છે. મકાનમાં સીસીટીવી કેમેરા લાગેલા છે, છતાં આ ઘટના બની. આ હુમલામાં સૈફ માંડ માંડ બચી ગયા છે. તેમને ગરદન, પગ અને કરોડરજ્જુમાં ઈજાઓ થઈ છે. રાત્રે, તેમનો પુત્ર ઇબ્રાહિમ તેમને ઓટો દ્વારા હોસ્પિટલ લાવ્યો. તેમની સારવાર મુંબઈની લીલાવતી હોસ્પિટલમાં ચાલી રહી છે. તેમના પરિવારના સભ્યો અને નજીકના લોકો તેમના સ્વાસ્થ્ય વિશે જાણવા માટે સતત હોસ્પિટલ પહોંચી રહ્યા છે. હુમલાખોરની શોધ હજુ પણ ચાલુ છે. 

સૈફની તબિયત હવે કેવી છે?

સૈફ અલી ખાનના શરીર પર છ જગ્યાએ ઈજા થઈ છે, જેમાંથી બે જગ્યાએ ઈજાઓ ગંભીર છે. કરોડરજ્જુમાં ઊંડી ઈજા થઈ છે. બુધવારે તેમની કરોડરજ્જુની સર્જરી થઈ. હાલમાં તે ખતરામાંથી બહાર છે. લીલાવતી હોસ્પિટલ દ્વારા કહેવામાં આવ્યું હતું કે તેઓ 24 કલાક ડોકટરોના નિરીક્ષણ હેઠળ છે.

સૈફ પર હુમલો કેવી રીતે થયો?

બુધવારે વહેલી સવારે અભિનેતા સૈફ અલી ખાન પર તેમના ઘરમાં તીક્ષ્ણ હથિયારથી હુમલો કરવામાં આવ્યો હતો અને તેમને ઘાયલ કરવામાં આવ્યા હતા. એક શખ્સ ચોરીના ઇરાદે ઘૂસ્યો અને તેમના પર હુમલો કર્યો. સૈફને કરોડરજ્જુમાં ગંભીર ઈજા થઈ છે. ગળામાં પણ ઈજા છે. હોસ્પિટલમાં તેમના પર બે સર્જરી કરવામાં આવી. લીલાવતી હોસ્પિટલના ડોક્ટરોના જણાવ્યા મુજબ, તેઓ હાલમાં ખતરાની બહાર છે.

માતા શર્મિલા હોસ્પિટલ પહોંચી

સૈફ અલી ખાનની માતા શર્મિલા ટાગોર બુધવારે પોતાના દીકરાને મળવા લીલાવતી હોસ્પિટલ પહોંચી હતી. તેના ચહેરા પર ચિંતા સ્પષ્ટ દેખાતી હતી. અન્ય સેલિબ્રિટીઓ પણ તેમની તબિયત જાણવા માટે સંપર્ક કરી રહ્યા છે. કરીનાનો ભાઈ રણવીર કપૂર તેની પત્ની આલિયા ભટ્ટ સાથે તેને મળવા હોસ્પિટલ પહોંચ્યો હતો.

સારા અને ઇબ્રાહિમ હોસ્પિટલ પહોંચ્યા

સૈફ અલી ખાનનો પરિવાર અને તેમના નજીકના લોકો તેમને મળવા માટે સતત હોસ્પિટલ પહોંચી રહ્યા છે. તેમની પુત્રી સારા અલી ખાન અને પુત્ર ઇબ્રાહિમ અલી ખાન રાત્રે લીલાવતી હોસ્પિટલ પહોંચ્યા અને તેમના સ્વાસ્થ્ય વિશે જાણકારી મેળવી. બંને હોસ્પિટલની બહાર જોવા મળ્યા. બહેન સોહા પણ તેના પતિ કુણાલ ખેમુ સાથે તેના ભાઈને મળવા હોસ્પિટલ પહોંચી હતી.

કરીના કપૂરે શું કહ્યું?

આ હુમલા બાદ સૈફની પત્ની અને અભિનેત્રી કરીના કપૂર ખાન ખૂબ જ દુ:ખી છે. તેણીએ સોશિયલ મીડિયા પર એક નિવેદન બહાર પાડીને કહ્યું છે કે તે આવા સમયે ગોપનીયતા ઇચ્છે છે અને આ બાબતનું મીડિયા કવરેજ ઓછું કરવું જોઈએ.

 હુમલાખોર ક્યાં છે?

સૈફ અલી ખાન પર હુમલો કરનાર વ્યક્તિએ હુમલો કર્યો અને તુરત જ ત્યાંથી ભાગી ગયો.  તે કેવો લાગે છે તે સીસી ટીવી દ્વારા પોલીસને જાણવા મળી ગયું છે.  જોકે, તે હજુ પણ પોલીસ પકડથી બહાર છે. પોલીસ તેને શોધી રહી છે. સીસીટીવી ફૂટેજમાં હુમલાખોર ભાગતો જોવા મળ્યો હતો. પોલીસની બે ટીમો તેને શોધી રહી છે.

હુમલા વિશે કેરટેકરે શું કહ્યું

સૈફ અલી ખાનના નાના દીકરા જેહની સંભાળ રાખનાર આલ્યામાનું એક નિવેદન બહાર આવ્યું છે, જેમાં તેણે તે રાત્રે ખરેખર શું બન્યું હતું તે જણાવ્યું છે. કેવી રીતે અજાણ્યો વ્યક્તિ રૂમમાં ઘૂસી ગયો, પહેલા તેને ઘાયલ કર્યો અને પછી દરમિયાનગીરી કરવા આવેલા સૈફ પર હુમલો કર્યો. હુમલાખોર મોટી રકમની માંગ કરી રહ્યો હતો.

 સૈફ પર હુમલાનું કારણ

સૈફના ઘરે કામ કરતા કેરટેકરે જણાવ્યું કે હુમલાખોર 1 કરોડ રૂપિયાની માંગ કરી રહ્યો હતો. તે પોતાની સાથે હેક્સા બ્લેડ લાવ્યો હતો જેનાથી તેણે તેમના પર અને સૈફ પર હુમલો કર્યો.

સૈફનો હુમલો કરનાર કેવો દેખાતો હતો?

 સૈફ અલી ખાનના હુમલાખોરનો દેખાવ કેવો હતો તે કેરટેકરે જણાવ્યું છે. તેમના મતે, હુમલાખોરની ઉંમર લગભગ 35 થી 40 વર્ષની છે. તેનો રંગ ઘેરો અને શરીર પાતળું છે. તેણે ઘેરા રંગનું પેન્ટ અને ઘેરા રંગનું શર્ટ પહેર્યું હતું. તેમના માથા પર કેપ પહેરેલી હતી.

હુમલાખોરના સીસીટીવી ફૂટેજ

બિલ્ડિંગના સીસીટીવી કેમેરાના ફૂટેજમાં, એક અજાણ્યો વ્યક્તિ ફાયર એક્ઝિટની સીડીઓ પરથી નીચે ઉતરતો જોવા મળે છે. એક હુમલાખોર હોવાનું કહેવાય છે. આ વીડિયો જોઈને અનુમાન લગાવવામાં આવી રહ્યું છે કે હુમલાખોર આ સીડીઓ દ્વારા સૈફના ઘરમાં પ્રવેશ્યો હતો. મુંબઈ પોલીસ ક્રાઈમ બ્રાન્ચે આ કેસની તપાસ માટે 20 ટીમો બનાવી છે.