Housefull 5 Teaser Out: કોમેડી સાથે ક્રુઝ પર રમાશે ખૂની ખેલ, 18 ફ્લિમ સ્ટાર્સ એક સાથે જોવા મળશે

લોકપ્રિય કોમેડી ફ્રેન્ચાઇઝ 'હાઉસફુલ' એ 15 વર્ષ પૂર્ણ કર્યા છે. આ પ્રસંગે, નિર્માતાઓએ ફેન્સને ભેટ આપી છે. સાજિદ નડિયાદવાલાએ 'હાઉસફુલ 5'નું ટીઝર રિલીઝ કર્યું છે. જ્યાં અક્ષય કુમાર, જેકી શ્રોફ, અભિષેક બચ્ચન, નાના પાટેકર, સૌંદર્યા શર્મા, જોની લીવર સહિત તમામ કલાકારોના અલગ અલગ લુક્સ જોવા મળ્યા હતા.  અત્યાર સુધી 'હાઉસફુલ'ના 4 ભાગ રિલીઝ થઈ ચૂક્યા છે અને હવે 5 મો ભાગ આવવાનો છે. આ કોમેડી ફ્રેન્ચાઇઝી 30 એપ્રિલ 2010 ના રોજ શરૂ થઈ હતી. હવે તેની 15મી વર્ષગાંઠ નિમિત્તે, 'હાઉસફુલ 5'નું મોસ્ટ અવેટેડ ટીઝર લોન્ચ કરવામાં આવ્યું છે.

'હાઉસફુલ 5' ના કલાકારો
'હાઉસફુલ 5'નું ટીઝર ખૂબ જ મનોરંજક છે. આખી કાસ્ટને તે અવતારમાં બતાવવામાં આવી છે જેમાં લોકોએ તેમને ઘણો પ્રેમ આપ્યો છે. જેમ કે અક્ષય કુમાર લાંબા સમય પછી કોમેડી ફિલ્મમાં પાછા ફરી રહ્યા છે. અભિષેક અને રિતેશ દેશમુખની તોફાની શૈલી પણ પ્રભાવિત કરે છે. આ સિવાય જેકલીન ફર્નાન્ડિઝ, સોનમ બાજવા, નરગીસ ફખરી, સંજય દત્ત, જેકી શ્રોફ, નાના પાટેકર, ચિત્રાંગદા સિંહ, ફરદીન ખાન, ચંકી પાંડે, જોની લીવર, શ્રેયસ તલપડે, ડીનો મોરિયા, રણજીત, સૌંદર્યા શર્મા, નિકિતિન સાસેર જોવા મળશે.

'હાઉસફુલ 5' નું દિગ્દર્શન દિગ્દર્શક તરુણ મનસુખાની દ્વારા કરવામાં આવ્યું છે. આ ફિલ્મ એક લક્ઝરી ક્રૂઝ પર સેટ છે, જેમાં એ જ જૂનો તડકો, નાટક અને ટ્વિસ્ટ જોવા મળશે. આ ફિલ્મનું નિર્માણ સાજિદ નડિયાદવાલાએ તેમના પ્રોડક્શન હાઉસ નડિયાદવાલા ગ્રેન્ડસન એન્ટરટેઈનમેન્ટના બેનર હેઠળ કર્યું છે. સાજિદની છેલ્લી ફિલ્મ સિકંદર હતી જેનો જાદુ ચાલ્યો નહીં.

'હાઉસફુલ 5' ની રિલીઝ તારીખ વિશે વાત કરીએ તો, તે 6 જૂન 2025 ના રોજ વિશ્વભરના સિનેમાઘરોમાં રિલીઝ થવા જઈ રહી છે. દરમિયાન, અક્ષયની કેસરી 2 પણ આ દિવસોમાં સિનેમાઘરોમાં ચાલી રહી છે અને તેના સમીક્ષાઓ ખૂબ જ સારી છે.