બોલિવૂડના દિગ્ગજ અને લોકપ્રિય અભિનેતા ધર્મેન્દ્રની તબિયત અંગે ચિંતાજનક સમાચાર સામે આવ્યા. મળતી મીહિતી અનુસાર, અભિનેતાને મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા છે અને તેઓ હાલમાં વેન્ટિલેટર સપોર્ટ પર છે. ધર્મેન્દ્રને એક અઠવાડિયા પહેલા શ્વાસ લેવામાં તકલીફ થવાની ફરિયાદ બાદ હોસ્પિટલમાં ખસેડવામાં આવ્યા હતા. ધર્મેન્દ્રની તબિયતને લઈને તેમના ચાહકોમાં ચિંતાનું મોજું ફરી વળ્યું છે. નોંધનીય છે કે, ધર્મેન્દ્ર ટૂંક સમયમાં જ, એટલે કે 8 ડિસેમ્બર, 2025ના રોજ 90 વર્ષના થશે. આ પહેલા એપ્રિલ મહિનામાં પણ તેમની આંખનું ઓપરેશનકરવામાં આવ્યું હતું.
6 દાયકા સુધી ચાહકોના દિલ પર રાજ
ધર્મેન્દ્રે 1960માં ફિલ્મ 'દિલ ભી તેરા હમ ભી તેરે'થી પોતાના ફિલ્મી કરિયરની શરૂઆત કરી હતી. 1960ના દાયકામાં, તેમણે 'અનપઢ', 'બંદિની', 'અનુપમા' અને 'આયા સાવન ઝૂમ કે' જેવી ફિલ્મોમાં સામાન્ય માણસની ભૂમિકાઓ ભજવીને શરૂઆત કરી હતી. બાદમાં તેઓ મુખ્ય ભૂમિકાઓ તરફ વળ્યા અને 'શોલે', 'ધરમ વીર', 'ચુપકે ચુપકે', 'મેરા ગાંવ મેરા દેશ' અને 'ડ્રીમ ગર્લ' જેવી સુપરહિટ ફિલ્મો આપી છે.
આ પણ વાંચો: <a href="https://www.benefitnews24.com/gujarati/entertainment/dharmendra-turns-89--son-sunny-deol-wishes/2652" target="_blank" rel="noopener">ધર્મેન્દ્ર 89 વર્ષના થયા, પુત્ર સની દેઓલે આપી શુભેચ્છાઓ</a>
છેલ્લી ફિલ્મ અને આગામી પ્રોજેક્ટ
ધર્મેન્દ્ર છેલ્લે શાહિદ કપૂર અને કૃતિ સેનન અભિનીત ફિલ્મ 'તેરી બાતોં મેં ઐસા ઉલ્ઝા જિયા'માં જોવા મળ્યા હતા. તેમની આગામી ફિલ્મ 'ઈક્કિસ' છે, જેમાં અમિતાભ બચ્ચનના પૌત્ર અગસ્ત્ય નંદા મુખ્ય ભૂમિકામાં છે. આ ફિલ્મ 25 ડિસેમ્બરે રિલીઝ થવાની તૈયારીમાં છે. ધર્મેન્દ્રની તબિયત જલ્દી સુધરે તે માટે તેમના ચાહકો અને બોલિવૂડ પરિવાર પ્રાર્થના કરી રહ્યા છે.

બોલિવુડ અભિનેતા ધર્મેન્દ્ર

અભિનેતા ધર્મેન્દ્રની તબિયત નાજુક હોવાની માહિતી મળી રહી છે

November 10, 2025 | 22:28 IST