શું 10 મહિના પહેલાં જ શેફાલીને મળી ગયો હતો મૃત્યુનો સંકેત?

'કાંટા લગા' ફેમ અભિનેત્રી શેફાલી જરીવાલાના આકસ્મિક નિધનથી મનોરંજન જગત શોકમાં ગરકાવ છે. 42 વર્ષની વયે કાર્ડિયાક અરેસ્ટને કારણે તેમનું અવસાન થયું હોવાના અહેવાલો છે. જોકે, પોલીસે આ મામલે તપાસ શરૂ કરી દીધી છે અને તેમના પતિ પરાગ ત્યાગી સહિત ચાર લોકોના નિવેદનો નોંધ્યા છે. ફોરેન્સિક ટીમે શેફાલીના ઘરની પણ તપાસ કરી અને પુરાવા એકત્રિત કર્યા છે. પોસ્ટમોર્ટમ રિપોર્ટ હજુ આવ્યો નથી, પરંતુ સૂત્રોના જણાવ્યા અનુસાર, પોસ્ટમોર્ટમ બે વાર કરવામાં આવ્યું છે.

શેફાલીના અંતિમ સંસ્કાર ઓશિવારા સ્મશાનગૃહમાં કરવામાં આવ્યા હતા, જ્યાં હિન્દુસ્તાની ભાઉએ તેમની માતાની સંભાળ રાખી હતી. આ દુઃખદ સમયે પરાગ ત્યાગી ભાવુક થઈ ગયા હતા અને મીડિયાને 'મારી પરી માટે પ્રાર્થના કરજો. ભગવાન તેના આત્માને શાંતિ આપે.' તેમ કહીને વિનંતી કરી હતી.

પારસ છાબડાનો વાયરલ વીડિયો: શું હતો મૃત્યુનો સંકેત?

શેફાલીના નિધન બાદ, તેમનો એક જૂનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો 'બિગ બોસ'નો છે, જેમાં કન્ટેસ્ટન્ટ પારસ છાબડા શેફાલીની કુંડળી જુએ છે. વીડિયોમાં પારસ કહે છે:

"ચંદ્ર, બુધ અને કેતુ તમારા 8મા ભાવમાં સ્થિત છે. ચંદ્ર અને કેતુનું સંયોજન સૌથી ખરાબ છે. 8મું ભાવ નુકસાન, અચાનક મૃત્યુ, ફેમ, છુપાયેલા રહસ્યો અને તાંત્રિક બાબતો સાથે સંકળાયેલું છે. ચંદ્ર અને કેતુ તમારા માટે ખરાબ છે અને બુધ પણ તેમની સાથે સ્થિત છે. આ ચિંતા અને ન્યુરોલોજીકલ સમસ્યાઓ સૂચવે છે."

તે સમયે આ વાતચીતને હળવાશથી લેવામાં આવી હતી, પરંતુ શેફાલીના અચાનક અવસાન બાદ હવે સોશિયલ મીડિયા પર આ ભવિષ્યવાણીની જોરદાર ચર્ચા થઈ રહી છે. લોકો આ વીડિયોને મૃત્યુના સંકેત તરીકે જોઈ રહ્યા છે અને આશ્ચર્ય વ્યક્ત કરી રહ્યા છે.

હિન્દુસ્તાની ભાઉ શેફાલીના અંતિમ સંસ્કારમાં હાજરી આપી.

 

કોણ છે શેફાલી જરીવાલા?

 ગુજરાતી પરિવારમાં જન્મેલી અને આણંદમાં IT એન્જિનિયરિંગનો અભ્યાસ કરનારી શેફાલીનું 2002માં આવેલું ‘કાંટા લગા...’ રિમિક્સ ગીતે એક સનસનાટી મચાવી હતી, જેણે તેને રાતોરાત સ્ટાર બનાવી દીધી હતી. 'કાંટા લગા...'ની સફળતા બાદ શેફાલીએ બોલિવૂડ ફિલ્મોમાં પણ પોતાનું નસીબ અજમાવ્યું. તેણે 2004માં 'મુજસે શાદી કરોગી' ફિલ્મમાં એક નાની ભૂમિકા ભજવી, જેમાં સલમાન ખાન અને અક્ષય કુમાર જેવા સ્ટાર્સ હતા. આ ઉપરાંત તેણે ઘણા મ્યુઝિક વીડિયો અને ટેલિવિઝન શોમાં કામ કર્યું. તે રિયાલિટી શો 'બિગ બોસ'ની 13મી સિઝનમાં પણ જોવા મળી.