આદિત્ય ધર દ્વારા નિર્દેશિત અને રણવીર સિંહ સ્ટારર ફિલ્મ 'ધુરંધર' એ ભારતીય સિનેમામાં કમાણીના નવા આયામો સ્થાપિત કર્યા છે. 5 ડિસેમ્બર, 2025 ના રોજ રિલીઝ થયેલી આ ફિલ્મે વિશ્વભરમાં 1300 કરોડથી વધુનો બિઝનેસ કરીને ઈતિહાસ રચ્યો હતો. હવે, જ્યારે આ ફિલ્મનો બીજો ભાગ એટલે કે 'ધુરંધર: ધ રિવેન્જ' રિલીઝ થવાની તૈયારીમાં છે, ત્યારે મેકર્સે પહેલા ભાગને ફરીથી મોટા પડદા પર લાવવાનો નિર્ણય કર્યો છે.
સૌથી મોટી રિ-રિલીઝનો રેકોર્ડ :&nbsp;
રણવીર સિંહે સોશિયલ મીડિયા પર આ જાહેરાત કરતા જણાવ્યું હતું કે ફિલ્મ ફરીથી સિનેમાઘરોમાં પરત ફરી રહી છે. આ રિ-રિલીઝ કોઈ સામાન્ય ઘટના નથી, કારણ કે તેને 1000 થી વધુ સ્ક્રીન્સ પર 1250 થી વધુ શૉ સાથે ફરીથી લોન્ચ કરવામાં આવી છે. સામાન્ય રીતે ફિલ્મો ઓટીટી પર આવ્યા પછી થિયેટરોમાં ખાસ ચાલતી નથી, પરંતુ 'ધુરંધર' માટે ચાહકોનો ક્રેઝ જોતા મેકર્સને મોટી સફળતાની આશા છે.
મલ્ટીસ્ટારર એક્શનનો ડબલ ડોઝ :&nbsp;
આ ફિલ્મમાં રણવીર સિંહની સાથે સંજય દત્ત, અક્ષય ખન્ના, આર. માધવન અને અર્જુન રામપાલ જેવા દિગ્ગજ કલાકારો છે. ફિલ્મની વાર્તા અને તેના હાઈ-લેવલ એક્શન સીન્સને કારણે તે બોક્સ ઓફિસ પર સુનામી લાવવામાં સફળ રહી હતી. ખાસ કરીને ભારતીય માર્કેટમાં જ આ ફિલ્મે 1000 કરોડનો આંકડો પાર કર્યો હતો, જે તેની લોકપ્રિયતાનો પુરાવો છે.
સિક્વલ 'ધ રિવેન્જ' માટે ગ્લોબલ લોન્ચિંગ :&nbsp;
ફિલ્મનો બીજો ભાગ 'ધુરંધર: ધ રિવેન્જ' 19 માર્ચ, 2026 ના રોજ વિશ્વભરમાં રિલીઝ થશે. આ ફિલ્મ હિન્દી સહિત કુલ પાંચ ભાષાઓમાં રજૂ થવાની છે. ગ્લોબલ માર્કેટમાં પણ આ ફિલ્મ માટે ભારે ઉત્સાહ છે, જેના કારણે 18 માર્ચના રોજ અમેરિકા અને કેનેડામાં તેના સ્પેશિયલ પ્રીમિયર શૉનું આયોજન કરવામાં આવ્યું છે. જ્યોતિ દેશપાંડે અને લોકેશ ધર દ્વારા નિર્મિત આ સિક્વલ પહેલા ભાગ કરતા પણ વધુ ભવ્ય હોવાનો દાવો કરવામાં આવી રહ્યો છે.&nbsp;

ધુરંધર ફિલ્મ રિ-રિલીઝ

રણવીર સિંહની ધુરંધર સિક્વલ પહેલા 1000 સ્ક્રીન્સ પર ફરી લોન્ચ, 19 માર્ચે આવશે બીજો ભાગ

March 13, 2026 | 15:43 IST