કેમ છુપાયો રેમો ડિસુઝા?

પ્રયાગરાજમાં મહાકુંભ ચાલી રહ્યો છે અને આ મહાકુંભમાં ડૂબકી લગાવવા માટે દરરોજ હજારો લોકો ત્યાં પહોંચી રહ્યા છે. આ મહાકુંભમાં નેતાઓ, અભિનેતાઓ, મંત્રીઓ, અભિનેત્રીઓ બધા જ ભાગ લઈ રહ્યા છે. આ દરમિયાન, એક જાણીતા બોલિવૂડ કોરિયોગ્રાફર-દિગ્દર્શક, કોઈને કહ્યા વિના, કાળા કપડાં પહેરીને ગંગા નદીમાં સ્નાન કરવા ગયા અને પાછા પણ આવી ગયા. આ પછી તેઓ સ્વામી કૈલાશાનંદ ગિરિ મહારાજને મળવા ગયા.

બોલિવૂડના જાણીતા કોરિયોગ્રાફર-દિગ્દર્શક રેમો ડિસુઝા હતા. તેઓ કુંભ મેળામાં પોતાનો દેખાવ બદલીને અને પોતાની ઓળખ છુપાવીને પહોંચ્યા હતા. રેમોએ કાળા કપડાં પહેર્યા હતા અને પોતાનો ચહેરો પણ કાળા રંગથી ઢાંકેલો હતો. તેમને કોઈ પણ સુરક્ષા વગર સામાન્ય લોકો વચ્ચે મહાકુંભમાં સ્નાન કરતા જોવા મળ્યા. રેમોએ પોતે તેનો વીડિયો તેના ઇન્સ્ટાગ્રામ પર શેર કર્યો છે.

આ પછી, બીજા એક વીડિયોમાં, રેમો ડિસોઝા સ્વામી કૈલાશાનંદ ગિરિ મહારાજને મળતા પણ જોવા મળે છે. કૈલાશાનંદ ગિરી મહારાજ વતી કહેવામાં આવ્યું હતું કે કોરિયોગ્રાફર, અભિનેતા અને ફિલ્મ દિગ્દર્શક રેમો ડિસોઝા અને તેમની પત્ની લિઝેલ ડિસોઝાએ પ્રયાગરાજની મુલાકાત લીધી હતી અને નિરંજન પીઠાધીશ્વર મહામંડલેશ્વર સ્વામી કૈલાશાનંદ ગિરી મહારાજ પાસેથી આશીર્વાદ લીધા હતા. પૂજ્ય ગુરુદેવે તેમને શાલ ઓઢાડીને અને રુદ્રાક્ષની માળા પહેરાવીને આશીર્વાદ આપ્યા.

સોશિયલ મીડિયા પર રેમો ડિસોઝાના આ વીડિયો પર વિવિધ પ્રકારની ટિપ્પણીઓ આવી રહી છે. એક સોશિયલ મીડિયા યુઝરે લખ્યું, શું રેમો ડિસોઝા પોતાનો ધર્મ બદલવા જઈ રહ્યો છે? બીજાએ લખ્યું કે મને રેમોની આ વાત ખૂબ ગમી. કોઈ પણ પ્રકારના ઠાઠમાઠ અને દેખાડા વગર, એક સામાન્ય માણસની જેમ ગંગામાં સ્નાન કરીને તેને કેટલો આનંદ થયો હશે! એકે લખ્યું કે મને રેમોની આ શૈલી ખૂબ ગમી.