અક્ષય-પ્રિયદર્શનની 'ભૂત બંગલા'નું પોસ્ટર રીલીઝ

બોલિવૂડના 'ખેલાડી' અક્ષય કુમાર વર્ષ 2026માં બોક્સ ઓફિસ પર ફરીથી પોતાનો દબદબો બનાવવા તૈયાર છે. ચાહકો જેની આતુરતાથી રાહ જોઈ રહ્યા હતા તેવી ફિલ્મ 'ભૂત બંગલા' (Bhoot Bangla)નું મોશન પોસ્ટર મેકર્સ દ્વારા રિલીઝ કરવામાં આવ્યું છે. આ પોસ્ટરમાં અક્ષય કુમારનો અંદાજ જોઈને ચાહકોમાં ફિલ્મ પ્રત્યેની ઉત્તેજના બમણી થઈ ગઈ છે.

પોસ્ટરમાં શું છે ખાસ?

રિલીઝ થયેલા મોશન પોસ્ટરમાં અક્ષય કુમાર એક ઘટાદાર વૃક્ષની ડાળી પર ઉંધા લટકેલા જોવા મળે છે. તેમના ચહેરા પર ડર અને તોફાની સ્મિતનું મિશ્રણ છે. બેકગ્રાઉન્ડમાં ગાઢ અંધારું, બિહામણું જંગલ અને ઉડતા ચમગાદડો એક પરફેક્ટ હોરર માહોલ ઉભો કરે છે.

આ પોસ્ટર પરથી સ્પષ્ટ થાય છે કે ફિલ્મમાં સુપરનેચરલ ડ્રામાની સાથે જબરદસ્ત કોમેડીનો તડકો પણ જોવા મળશે.

          View this post on Instagram                      

A post shared by Akshay Kumar (@akshaykumar)

14 વર્ષ બાદ આઈકોનિક જોડીનું પુનરાગમન

ફિલ્મ જગતની સૌથી સફળ જોડી ગણાતા અક્ષય કુમાર અને નિર્દેશક પ્રિયદર્શન પૂરા 14 વર્ષ બાદ કોઈ પ્રોજેક્ટ માટે સાથે આવ્યા છે. અગાઉ આ જોડીએ 'ભૂલ ભુલૈયા', 'હેરા ફેરી' અને 'ગરમ મસાલા' જેવી આઈકોનિક ફિલ્મો આપી છે. આ વખતે 'ભૂત બંગલા' દ્વારા તેઓ ફરી ઇતિહાસ રચવા જઈ રહ્યા છે.

સ્ટાર કાસ્ટ અને રિલીઝ ડેટ

બાલાજી મોશન પિક્ચર્સ અને કેપ ઓફ ગુડ ફિલ્મ્સના બેનર હેઠળ બનેલી આ ફિલ્મમાં અક્ષય કુમારની સાથે વામિકા ગબ્બી, પરેશ રાવલ, તબુ અને રાજપાલ યાદવ જેવા દિગ્ગજ કલાકારો મુખ્ય ભૂમિકામાં છે.

શોભા કપૂર અને એકતા કપૂર દ્વારા પ્રોડ્યુસ કરવામાં આવેલી આ ફિલ્મ 10 એપ્રિલ 2026 ના રોજ સિનેમાઘરોમાં રિલીઝ થશે. નોંધનીય છે કે ફિલ્મનું સત્તાવાર ટીઝર આવતીકાલે એટલે કે 12 માર્ચ ના રોજ રિલીઝ કરવામાં આવશે.