અક્ષયકુમારની 'કેસરી 2' સંપડાઈ વિવાદમાં, પ્રોડ્યુસર સામે નોંધાઈ FIR 

અક્ષયકુમારની ફિલ્મ એક પછી એક ચર્ચામાં આવતી રેહતી હોય છે. રિલીઝ થયાના 2 મહિના પછી અક્ષયકુમારની ફિલ્મ 'કેસરી 2' વિવાદોમાં સંપડાઈ છે. ફિલ્મ 'કેસરી 2' કરણસિંહ ત્યાગી દ્વારા દિગ્દર્શિત છે અને તે રઘુ પાલત અને પુષ્પા પાલતના પુસ્તક 'ધ કેસ ધેટ શૂક ધ એમ્પાયર' પર આધારિત છે. ફિલ્મમાં અક્ષય કુમાર, આર. માધવન અને અનન્યા પાંડે મુખ્ય ભૂમિકામાં છે. ફિલ્મે બોક્સ ઓફિસ પર પણ સારો દેખાવ કર્યો હતો. 

પશ્ચિમ બંગાળની તૃણમૂલ કોંગ્રેસ પાર્ટીએ ફિલ્મ કેસરી 2 પર આરોપ લગાવ્યો છે. ફિલ્મ 'કેસરી 2' માં ભારતના સ્વાતંત્ર્ય સંગ્રામમાં રાજ્યના યોગદાનને ખોટી રીતે દર્શાવવામાં આવ્યું હોવાનો આરોપ લગવવામાં આવ્યો છે . બંગાળી ક્રાંતિકારીઓનું અપમાન કરવામાં આવ્યા હોવાની બાબત પર અનેક કલમો હેઠળ વિધાનનગર દક્ષિણ પોલીસ સ્ટેશનમાં FIR નોંધવામાં આવી છે.

'કેસરી 2' ફિલ્મમાં બંગાળના મુખ્ય સ્વાતંત્ર્ય સેનાનીઓ, ખાસ કરીને ક્રાંતિકારીઓ ખુદીરામ બોઝ અને બરીન્દ્ર કુમાર ઘોષને ખોટી રીતે દર્શાવવામાં આવ્યા છે. TMC અનુસાર, ફિલ્મમાં ખુદીરામ બોઝને ખુદીરામ સિંહ તરીકે અને બરીન્દ્ર કુમાર ઘોષને અમૃતસરના બિરેન્દ્ર કુમાર તરીકે રજૂ કરવામાં આવ્યા છે. TMCના નેતાઓ કુણાલ ઘોષ અને અરૂપ ચક્રવર્તીએ પાર્ટી મુખ્યાલયમાં આ બાબતે પ્રેસ કોન્ફરન્સ યોજી છે.

કુણાલ ઘોષે કહ્યું, 'ભારતની સ્વતંત્રતા માટે પોતાનો જીવ આપનારા બંગાળી ક્રાંતિકારીઓના નામ ખરાબ કરવામાં આવી રહ્યા છે. આ માત્ર ભૂલ નથી. આ સ્વતંત્રતા ચળવળમાં બંગાળની ભૂમિકા ભૂંસી નાખવાનું કાવતરું છે. આવી ફિલ્મને સેન્સર સર્ટિફિકેટ કેવી રીતે મળ્યું?' ખુદીરામ બોઝ અને બરીન્દ્ર કુમાર ઘોષ ઉપરાંત, હેમચંદ્ર કાનૂન્ગોને પણ ફિલ્મમાં ખોટી રીતે રજૂ કરવામાં આવ્યા છે. તે એક ક્રાંતિકારી હતા જેમણે સ્વતંત્રતા સંગ્રામ દરમિયાન યુવાનોને બોમ્બ બનાવવાની તાલીમ આપી હતી.'