જો તમે હોરર ફિલ્મના શોખીન હોવ અને કોઈ નવી અને દમદાર ફિલ્મ જોવા માંગતા હોવ, તો&nbsp;ઓસ્કાર વિનિંગ હોરર ફિલ્મ 'ફ્રેન્કેન્સ્ટાઇન' (Frankenstein) તમારા માટે બેસ્ટ ઓપ્શન છે.
2025માં રિલીઝ થયેલી આ ફિલ્મ, જેને&nbsp;ઓસ્કાર 2026માં ત્રણ એવોર્ડ્સ મળ્યા હતા, તે હવે ઓટીટી પ્લેટફોર્મ પર ઉપલબ્ધ છે.
ઓસ્કારમાં ધમાલ
આ વર્ષે&nbsp;ઓસ્કાર 2026માં 'ફ્રેન્કેન્સ્ટાઇન' ફિલ્મને કુલ ત્રણ કેટેગરીમાં એવોર્ડ્સ મળ્યા હતા. જેમાં બેસ્ટ કોસ્ચ્યુમ ડિઝાઇન, બેસ્ટ મેકઅપ એન્ડ હેરસ્ટાઇલિંગ અને બેસ્ટ પ્રોડક્શન ડિઝાઇન માટે ઓસ્કાર એવોર્ડથી સન્માનિત કરવામાં આવી હતી. આ એવોર્ડ્સ ફિલ્મના શ્રેષ્ઠ નિર્માણ અને તેની દમદાર હોરર સ્ટોરીની સાક્ષી પૂરે છે.
શું છે ફિલ્મી સ્ટોરી?
ફિલ્મની સ્ટોરી એક બુદ્ધિમાન સાયન્ટિસ્ટ વિક્ટર ફ્રેન્કેન્સ્ટાઇન પર આધારિત છે, જે પોતાના જ્ઞાન અને વિજ્ઞાનનો ઉપયોગ કરીને મૃત શરીરના અંગોમાંથી એક નવું પ્રાણી જીવિત કરે છે.
પરંતુ આ પગલું તેના અને આખી દુનિયા માટે વિનાશક સાબિત થાય છે. આ પ્રાણી તેના પ્રત્યે કેવો બદલો લે છે અને તેના કારણે કેવા પરિણામો આવે છે તે જાણવા માટે તમારે આ ફિલ્મ જરૂર જોવી જોઈએ.
ફિલ્મમાં મુખ્ય ભૂમિકાઓમાં આઇઝેક વિક્ટર ફ્રેન્કેન્સ્ટાઇન તરીકે, જેકબ એલોર્ડી 'ધ ક્રિએચર' ના રોલમાં, જ્યારે મિયા ગોથ અને ક્રિસ્ટોફ વોલ્ટ પણ મહત્વની ભૂમિકામાં જોવા મળ્યા હતા. ફિલ્મને આઇએમડીબી (IMDb) તરફથી 7.4 રેટિંગ મળ્યું છે, જે તેની લોકપ્રિયતા અને ગુણવત્તા દર્શાવે છે.
જો તમે પણ આ રુંવાટા ઊભા કરી દેતી હોરર ફિલ્મ જોવા માંગતા હોવ, તો તમે તેને નેટફ્લિક્સ પર જોઈ શકો છો. 2 કલાક 32 મિનિટની આ ફિલ્મ તમને હોરર, થ્રિલ અને રહસ્યનો નવો અનુભવ કરાવશે.

'ફ્રેન્કેન્સ્ટાઇન' ની ઓટીટી પર ધમાકેદાર એન્ટ્રી

7.4 IMDB રેટિંગ વાળી 'ફ્રેન્કેન્સ્ટાઇન' ની ઓટીટી પર ધમાકેદાર એન્ટ્રી

March 23, 2026 | 17:21 IST