'સિંઘમ અગેન' અને 'ભૂલ ભુલૈયા 3' ને રીલીઝ પહેલા જ મોટો ઝટકો

દિવાળીના તહેવારો વચ્ચે હાલ અજય દેવગનની 'સિંઘમ અગેન' અને કાર્તિક આર્યનની 'ભૂલ ભુલૈયા 3'ને લઈને ભારે ચર્ચા છે. બંને ફિલ્મો દિવાળી પર રિલીઝ માટે તૈયાર છે જેના માટે ફેન્સ પણ ખૂબ જ ઉત્સાહિત છે. આ બધાની વચ્ચે હવે આ ફિલ્મને તેની રિલીઝ પહેલા જ મોટો ઝટકો લાગ્યો છે. વિગતો મુજબ ફિલ્મ રિલીઝ થાય તે પહેલા જ તેના પર પ્રતિબંધ લગાવી દેવામાં આવ્યો છે.   એક અહેવાલ મુજબ, 'સિંઘમ અગેન' અને 'ભૂલ ભૂલૈયા 3' સાઉદી અરેબિયામાં બનાવવામાં આવી છે. જો કે બંને પર પ્રતિબંધ માટે અલગ-અલગ કારણો આપવામાં આવી રહ્યા છે.     સાઉદીમાં ફિલ્મની રિલીઝ પર પ્રતિબંધના કારણે ચાહકો નિરાશ થયા છે. આ ફિલ્મ પર પ્રતિબંધ મૂકવાના કારણ વિશે વાત કરવામાં આવે તો એવું કહેવામાં આવી રહ્યું છે કે, ધર્મ સાથે જોડાયેલા કેટલાક મુદ્દાને કારણે ફિલ્મ પર પ્રતિબંધ મૂકવામાં આવ્યો છે. જે રિપોર્ટ્સ સામે આવ્યા છે તેમાં કહેવામાં આવ્યું છે કે, આ ફિલ્મમાં હિંદુ-મુસ્લિમ સંઘર્ષ છે અને તેના કારણે સાઉદીએ આ ફિલ્મને રિલીઝ કરવાની ના પાડી દીધી છે. ફિલ્મમાં રામાયણ સાથે જોડાયેલા કેટલાક કનેક્શન બતાવવામાં આવ્યા હોવાનું કહેવામાં આવી રહ્યું છે પરંતુ તેમાં હિંદુ-મુસ્લિમનો મુદ્દો શું છે તે તો ફિલ્મ જોયા પછી જ ખબર પડશે.   સાઉદી દ્વારા આ ફિલ્મ પર પણ પ્રતિબંધ મુકવામાં આવ્યો છે. તેના રિલીઝ ન થવાના કારણ વિશે વાત કરતા કહેવામાં આવી રહ્યું છે કે 'ભૂલ ભુલૈયા 3'નો પ્રતિબંધ સમલૈંગિકતા સાથે સંબંધિત છે. ફિલ્મમાં કાર્તિક આર્યનના રોલમાં કેટલાક સમલૈંગિક સંદર્ભોનો ઉપયોગ કરવામાં આવ્યો હોવાની ચર્ચા છે .   ઉલ્લેખનીય છે કે, દિવાળીના અવસર પર બંને ફિલ્મો વચ્ચે જોરદાર સ્પર્ધા થવાની છે. બંને ફિલ્મો 1 નવેમ્બરે સિનેમાઘરોમાં રિલીઝ થશે. આવી સ્થિતિમાં તે જોવાનું રસપ્રદ રહેશે કે કઈ ફિલ્મ તેના ઓપનિંગ ડે પર કમાણી કરે છે. જોકે બંને ફિલ્મોના પોત-પોતાના ફેનબેઝ છે પરંતુ હવે બધા આ ફિલ્મની રિલીઝની રાહ જોઈ રહ્યા છે.