બિહાર વિધાનસભા ચૂંટણીના પ્રથમ તબક્કા માટે આજે (6 નવેમ્બર) 18 જિલ્લાની 121 બેઠકો પર મતદાન ચાલુ છે. સાંજે 6 વાગ્યા સુધી ચાલનારા આ મતદાનમાં સવારે 11 વાગ્યા સુધી 27.65% મતદાન નોંધાયું છે. જોકે, મતદાનની પ્રક્રિયા દરમિયાન અનેક સ્થળોએ હંગામા, વોટ બહિષ્કાર અને સુરક્ષા ભંગના બનાવો પણ સામે આવ્યા છે.
છપરામાં 150 મતદારોનાં નામ ગાયબ
છપરા વિધાનસભાના બ્રહ્મપુર મોહલ્લામાં લગભગ 150 લોકોનાં નામ મતદાર યાદીમાંથી ગાયબ હોવાને કારણે ભારે આક્રોશ જોવા મળ્યો હતો. ગુસ્સે ભરાયેલા મતદારોએ આને એક ષડયંત્ર ગણાવ્યું હતું. તેમનું કહેવું હતું કે, "BLO (બૂથ લેવલ ઓફિસર)ની બેદરકારીને કારણે અમે મતદાન કરી શકતા નથી. બધા દસ્તાવેજો આપ્યા પછી પણ લિસ્ટમાં નામ નથી."
બીજી તરફ, RJD સુપ્રિમો લાલુ યાદવે મતદાનના માહોલ વચ્ચે ટિપ્પણી કરી હતી કે, "તવા પર રોટી પલટવી જોઈએ" (બદલાવ આવવો જોઈએ).
<blockquote class="twitter-tweet">
तवा से रोटी पलटती रहनी चाहिए नहीं तो जल जाएगी। 20 साल बहुत हुआ! अब युवा सरकार और नए बिहार के लिए तेजस्वी सरकार अति आवश्यक है। <a href="https://t.co/KSKnwtf57D">pic.twitter.com/KSKnwtf57D</a>
&mdash; Lalu Prasad Yadav (@laluprasadrjd) <a href="https://twitter.com/laluprasadrjd/status/1986283505006092482?ref_src=twsrc%5Etfw">November 6, 2025</a></blockquote>

<script src="https://platform.twitter.com/widgets.js" async="" charset="utf-8"></script>

બૂથ કેપ્ચરિંગ અને બહિષ્કારના મુખ્ય બનાવો
લખીસરાયમાં અફરાતફરી: નાયબ મુખ્યમંત્રી વિજય સિંહાના વિધાનસભા વિસ્તાર લખીસરાયના હલસી બ્લોકના ખુડયારી ગામમાં બૂથ નંબર 404 અને 405 પર બૂથ કેપ્ચરિંગની અફવા ફેલાઈ હતી. આ સમાચાર મળતાં જ SP અજય કુમાર દળ-બળ સાથે સ્થળ પર પહોંચ્યા અને ફ્લેગ માર્ચ કરી. જોકે, SPએ આ અફવાને રદિયો આપ્યો હતો.
મુઝફ્ફરપુરમાં બહિષ્કાર: મુઝફ્ફરપુરની ગાયઘાટ વિધાનસભાના ત્રણ બૂથ (નંબર 161, 162, અને 170) પરના મતદારોએ પુલ અને રસ્તાના નિર્માણને લઈને મતદાનનો બહિષ્કાર કર્યો હતો.
ભાજપ કાર્યકરોની અટકાયત: બિહાર શરીફમાં મતદાન દરમિયાન પોલીસે વોર્ડ 16માં બૂથ નંબર 226થી 232 પાસે પરચીઓ વહેંચતા 4 ભાજપ કાર્યકરોને કસ્ટડીમાં લીધા હતા.
હૉટ સીટ પર રસાકસી અને સુરક્ષા વ્યવસ્થા
આ પ્રથમ તબક્કામાં તેજસ્વી યાદવ, તેજ પ્રતાપ યાદવ, સમ્રાટ ચૌધરી, વિજય કુમાર સિંહા, અનંત સિંહ સહિત અનેક મોટા ચહેરાઓની શાખ દાવ પર લાગી છે. સુરક્ષા કારણોસર સિમરી બખ્તિયારપુર, મહિષી, તારાપુર અને જમાલપુર સહિતના સંવેદનશીલ બૂથો પર મતદાનનો સમય સાંજે 5 વાગ્યા સુધી મર્યાદિત કરવામાં આવ્યો છે. દરમિયાન, ફતુહા વિધાનસભાના હાજીપુર ગામના બૂથ નંબર 254 પર તૈનાત પીઠાધીન અધિકારીની તબિયત બગડતાં તેમને હોસ્પિટલમાં ખસેડવામાં આવ્યા હતા.

બિહારમાં મતદાન દરમિયાન હંગામો

લાલુ યાદવ બોલ્યા: 'તવા પર રોટી પલટવી જોઈએ'; મુઝફ્ફરપુરના 3 બૂથ પર વોટ બહિષ્કાર..

November 6, 2025 | 18:11 IST