મહારાષ્ટ્ર -ઝારખંડ ચૂંટણીની તારીખો જાહેર, વાવ બેઠક પર 13 નવેમ્બરે પેટાચૂંટણી

જમ્મુ-કાશ્મીર અને હરિયાણામાં ચૂંટણી પૂરી થયા બાદ હવે ચૂંટણી પંચે મંગળવારે ઝારખંડ અને મહારાષ્ટ્ર વિધાનસભા ચૂંટણીની જાહેરાત કરી દીધી છે. મહારાષ્ટ્રમાં એક જ તબક્કામાં 20 નવેમ્બરે ચૂંટણી યોજાશે. જયારે ઝારખંડમાં 13 અને 20 નવેમ્બરે બે તબક્કામાં ચૂંટણી યોજાશે. બન્ને રાજ્યોમાં 23 નવેમ્બરે મત ગણતરી થશે. મહારાષ્ટ્ર વિધાન સભાનો હાલનો કાર્યકાળ 26 નવેમ્બરે પૂરો થાય છે. ઝારખંડ વિધાનસભાનો કાર્યકાળ 5 જાન્યુઆરી 2025 ના રોજ સમાપ્ત થાય છે.

ચૂંટણી પંચ દ્વારા 48 વિધાનસભા અને 2 લોકસભા બેઠકો માટે પેટા ચૂંટણીની જાહેરાત પણ કરવામાં આવી છે. 13 નવેમ્બરે 47 વિધાનસભા બેઠકો પર પેટાચૂંટણી યોજાશે. જોકે કેદારનાથ વિધાનસભા પેટાચૂંટણી માટે 20 નવેમ્બરે મતદાન થશે. આ ઉપરાંત 20 નવેમ્બરે લોકસભાની 2 બેઠકો માટે પેટાચૂંટણી પણ યોજાશે. આ બે લોકસભા બેઠકોમાં કેરળની વાયનાડ અને મહારાષ્ટ્રની નાંદે સામેલ છે.

ઝારખંડમાં કુલ 2.6 કરોડ મતદાતા
ચૂંટણીની તારીખોની જાહેરાત દરમિયાન મુખ્ય ચૂંટણી કમિશનર રાજીવ કુમારે કહ્યું કે ઝારખંડમાં કુલ 2.6 કરોડ મતદારો છે. મુખ્ય ચૂંટણી કમિશનર રાજીવ કુમારે કહ્યું કે ઝારખંડમાં કુલ મતદારોની સંખ્યા 2.6 કરોડ છે, જેમાંથી 1.29 કરોડ મહિલા અને 1.31 કરોડ પુરુષ મતદાતા છે. પ્રથમ વખત મતદાન કરનારની સંખ્યા 11.84 લાખ છે. ઝારખંડમાં 29,562 મતદાન મથકો હશે.મહારાષ્ટ્રમાં કુલ મતદારો 9.63 કરોડ મતદારો છે, જેમાંથી 4.97 કરોડ પુરુષો અને 4.66 કરોડ મહિલાઓ છે. 20-29 વર્ષની વયના 1.85 કરોડ મતદારો છે. 20.93 લાખ મતદારો પ્રથમ વખત મતદાન કરશે.

રાજીવ કુમારે જણાવ્યું કે ઝારખંડમાં 24 જિલ્લા અને 81 વિધાનસભા સીટો છે. મુદત 5 જાન્યુઆરી 2025 ના રોજ સમાપ્ત થઈ રહી છે. પ્રથમ વખત મતદાન કરતા હોય તેવા 11.84 લાખ મતદારો છે. ઝારખંડમાં 24 જિલ્લાની 81 વિધાનસભા બેઠકો પર મતદાન થવાનું છે. જેમાંથી 44 બેઠકો જનરલ કેટેગરીની છે. 9 બેઠકો એસસી માટે અને 28 બેઠકો એસટી કેટેગરી માટે અનામત છે.

મહારાષ્ટ્રમાં હાલ મુખ્યમંત્રી એકનાથ શિંદેનું શાસન છે. મહારાષ્ટ્રમાં સત્તાધારી ગઠબંધનમાં ભારતીય જનતા પાર્ટી, શિવસેના-એકનાથ શિંદે અને એનસીપી-અજિત પવાર સામેલ છે. રાજ્યમાં કુલ 288 વિધાનસભા બેઠકો છે. ઝારખંડમાં ઝારખંડ મુક્તિ મોરચા-કોંગ્રેસનું ગઠબંધન રાજ્યમાં સત્તામાં છે અને હેમંત સોરેન મુખ્યમંત્રી છે. જો અહીં સીટોની વાત કરવામાં આવે તો રાજ્યમાં કુલ 81 સીટો છે.

ઝારખંડમાં સત્તાધારી જેએમએમ-કોંગ્રેસ ગઠબંધન એનડીએની સામે છે. જેમાં ભારતીય જનતા પાર્ટી, જેડીયુ અને ઓલ ઝારખંડ સ્ટુડન્ટ્સ યુનિયનનો સમાવેશ થાય છે. 2019માં હેમંત સોરેનની જેએમએમએ 30 બેઠકો જીતી હતી, જ્યારે કોંગ્રેસે 16 બેઠકો જીતી હતી અને હેમંત સોરેન મુખ્યમંત્રી બન્યા હતા.

આ સિવાય 13 રાજ્યોની 48 વિધાનસભા સીટો માટે પેટાચૂંટણીની પણ જાહેરાત કરવામાં આવી છે.. જેમાં 47 વિધાનસભા અને કેરળની વાયનાડ સીટ પર 13 નવેમ્બરે મતદાન થશે. આ સિવાય 1 વિધાનસભા અને મહારાષ્ટ્રની નાંદેડ સીટ પર 20મી નવેમ્બરે મતદાન થશે. તમામ સીટોના ​​પરિણામ 23 નવેમ્બરે આવશે. જેમાં ઉત્તર પ્રદેશના 10, રાજસ્થાનના 7, પશ્ચિમ બંગાળના 6, આસામના 5, બિહારના 4, પંજાબના 4, કર્ણાટકના 3, કેરળના 2, મધ્યપ્રદેશના 2, સિક્કિમના 2, ગુજરાતના 1નો સમાવેશ થાય છે. ઉત્તરાખંડની 1 અને છત્તીસગઢની 1 વિધાનસભા બેઠકનો સ