મહારાષ્ટ્રમાં ભાજપની રણનીતિ

મહારાષ્ટ્ર વિધાનસભા ચૂંટણીમાં ભાજપના મોટા નેતાની પચાસથી વધુ જાહેર સભાઓ થશે. વડા પ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ અને યુપીના મુખ્ય પ્રધાન યોગી આદિત્યનાથ સહિતના મોટા નેતાઓ મહારાષ્ટ્રમાં જાહેર સભાઓ કરશે.

ભાજપે મહારાષ્ટ્ર વિધાનસભા ચૂંટણી પ્રચાર માટે વડા પ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ અને ઉત્તર પ્રદેશના મુખ્ય પ્રધાન યોગી આદિત્યનાથ સહિતના પક્ષના ટોચના નેતાઓને સામેલ કરવાનો નિર્ણય લીધો છે. આ ટોચના નેતાઓ તેમજ અન્ય રાજ્યોના નેતાઓ સમગ્ર મહારાષ્ટ્રમાં 170 થી વધુ ચૂંટણી રેલીઓને સંબોધશે તેવી અપેક્ષા છે.વડાપ્રધાન નરેન્દ્ર મોદી કુલ આઠ દિવસ મહારાષ્ટ્રના વિવિધ વિસ્તારોમાં સભાઓ કરશે. સીએમ યોગી 15 સભા કરશે. અમિત શાહ 20 અને ગડકરી 40 જાહેર સભાઓ કરશે. ભાજપ કુલ 288 સીટોમાંથી 148 સીટો પર ચૂંટણી લડી રહી છે. જ્યારે તેમણે પોતાના ક્વોટામાંથી ચાર બેઠકો તેમના સહયોગી પક્ષો માટે છોડી છે. 

પીએમ મોદી પશ્ચિમ મહારાષ્ટ્ર, વિદર્ભ, મુંબઈ-કોંકણ, ઉત્તર મહારાષ્ટ્ર અને મરાઠવાડામાં કુલ ૮ સભા કરશે. ઉપરાંત, સૌથી વધુ જાહેર સભાઓની જવાબદારી દેવેન્દ્ર ફડણવીસ, નીતિન ગડકરી અને ચંદ્રશેખર બાવનકુળેને આપી છે. ઉત્તર પ્રદેશના મુખ્ય પ્રધાન યોગી આદિત્યનાથ અલગ-અલગ જિલ્લામાં ૧૫ રેલી કરશે. હરિયાણાની જેમ મહારાષ્ટ્રમાં પણ સીએમ યોગી ભાજપ અને એનડીએના ઉમેદવારો માટે વોટ માંગશે. યોગી ઉપરાંત ભાજપ શાસિત રાજ્યોના મુખ્ય પ્રધાન પણ પ્રચાર માટે મહારાષ્ટ્રમાં આવશે.

કેન્દ્રીય ગૃહ પ્રધાન અમિત શાહ મહારાષ્ટ્રમાં ૨૦ રેલી કરશે. કેન્દ્રીય પ્રધાન નીતિન ગડકરી ૪૦ રેલીઓ કરશે, ડેપ્યુટી સીએમ દેવેન્દ્ર ફડણવીસ ૫૦ રેલીઓ કરશે અને ભાજપના પ્રદેશપ્રમુખ ચંદ્રશેખર બાવનકુળે ૪૦ રેલીઓ કરશે. આ ઉપરાંત સ્થાનિક આગેવાનો માટે પણ રેલીનું આયોજન કરવામાં આવશે.

5 નવેમ્બરથી દિવાળી પછી યોજાનારી ચૂંટણી રેલીઓમાં કેન્દ્ર અને રાજ્યના નેતાઓ ભાગ લેશે.નામાંકન પાછું ખેંચવાની છેલ્લી તારીખ 4 નવેમ્બર છે. પાર્ટીના એક વરિષ્ઠ અધિકારીએ જણાવ્યું કે રાજ્ય પાર્ટી કાર્યાલયને પીએમનો કાર્યક્રમ મળ્યો છે. આ અંતર્ગત તેઓ 7 થી 14 નવેમ્બર વચ્ચે 10 થી 13 રેલીઓને સંબોધિત કરી શકે છે.ભાજપના નેતા કિરીટ સોમૈયાએ નવાબ મલિક પર આકરા પ્રહારો કર્યા છે. NCP (અજિત પવાર જૂથ)એ તેમને માનખુર્દ શિવાજી નગરથી પોતાના ઉમેદવાર બનાવ્યા છે. આ અંગે તીખી પ્રતિક્રિયા આપતા સોમૈયાએ કહ્યું કે, નવાબ મલિક આતંકવાદી છે. તેણે ભારતના ટુકડા કરવાનો પ્રયાસ કર્યો. તે દાઉદનો એજન્ટ છે.

અજિત પવારે તેમને તેમની પાર્ટીમાંથી ટિકિટ આપીને દેશ સાથે વિશ્વાસઘાત કર્યો છે.બીજેપી મુંબઈના વડા આશિષ શેલારે પહેલેથી જ કહ્યું છે કે પાર્ટી NCP (અજિત પવાર)ના ઉમેદવાર નવાબ મલિકના સમર્થનમાં પ્રચાર કરશે નહીં. તેમનું કહેવું છે કે મલિક પર દાઉદ ઈબ્રાહિમ સાથે સંબંધ હોવાનો આરોપ છે. અનુશક્તિ નગરના બે વખતના ધારાસભ્ય નવાબ મલિકે આ મહિનાની શરૂઆતમાં જાહેરાત કરી હતી કે તેઓ મહાગઠબંધન ભાજપના દબાણને કારણે એનસીપી દ્વારા ટિકિટ નકાર્યા બાદ માનખુર્દ શિવાજી નગર વિધાનસભા મતવિસ્તારમાંથી અપક્ષ તરીકે ચૂંટણી લડશે.ગઠબંધન અને ભાજપના વાંધાને કારણે એનસીપીએ છેલ્લી ઘડી સુધી નવાબ મલિકને ખુલ્લેઆમ સમર્થન આપ્યું ન હતું. જો કે, પક્ષના નેતાઓના જણાવ્યા અનુસાર, આખરે 2:55 વાગ્યે, નામાંકનનો સમય પૂરો થવાના પાંચ મિનિટ પહેલા સમર્થન આપવામાં આવ્યું હતું.