બિહાર ચૂંટણી 2025: મહિલાઓએ રચ્યો ઇતિહાસ!

બિહાર વિધાનસભા ચૂંટણી 2025માં નારી શક્તિએ લોકતંત્રની નવી ગાથા લખી છે. ચૂંટણી પંચના અંતિમ આંકડા મુજબ, બે તબક્કામાં કુલ 66.91% મતદાન થયું, જે 1951 પછીનો સૌથી ઊંચો આંકડો છે. આ વખતે મહિલાઓએ પુરુષોને પાછળ છોડી દીધા – 71.06% મહિલાઓએ મતદાન કર્યું, જ્યારે પુરુષોનું પ્રમાણ માત્ર 62.8% રહ્યું. એટલે કે, મહિલા-પુરુષ વચ્ચે 8.8%નું અંતર અને 42.33 લાખ વોટનો ફરક!

2020ની તુલનામાં મહિલા વોટિંગમાં 10%નો વધારો થયો છે. બિહારની મહિલાઓ હવે ફક્ત મતદાતા નહીં, પરંતુ ચૂંટણીનું ગણિત બદલનારી ગેમચેન્જર બની છે.

તબક્કાવાર આંકડા એક નજરે પહેલો (6 નવે.) 65.08% 69.04% 1,76,77,219 61.56% 1,98,35,325 બીજો (11 નવે.) 68.76% 74.03% 1,74,68,572 64.1% 1,95,44,041 કુલ 66.91% 71.06% 3,51,45,791 62.8% 3,93,79,366

 

કુલ 7.45 કરોડ લોકોએ મતદાન કર્યું. મહિલાઓએ પુરુષો કરતાં 42,33,575 વધુ વોટ નાખ્યા.

ચૂંટણીનો મેગા સ્કેલ

• 8.5 લાખથી વધુ કર્મચારીઓની ડ્યુટી
• 1.4 લાખ+ પોલિંગ એજન્ટ
• 2616 ઉમેદવારો
• 243 સામાન્ય નિરીક્ષક, 38 પોલીસ નિરીક્ષક, 67 ખર્ચ નિરીક્ષક

આંતરરાષ્ટ્રીય પ્રશંસા

પહેલી વખત IEVP પ્રોગ્રામ હેઠળ દક્ષિણ આફ્રિકા, ઇન્ડોનેશિયા, થાઇલેન્ડ, ફિલિપાઇન્સ, બેલ્જિયમ, કોલંબિયા સહિત 6 દેશોના 16 પ્રતિનિધિઓએ બિહારની ચૂંટણી પ્રક્રિયાનું નિરીક્ષણ કર્યું. તેમણે બિહારની ચૂંટણીને “આંતરરાષ્ટ્રીય સ્તરે સૌથી સુવ્યવસ્થિત, પારદર્શક અને સહભાગી” ગણાવી.

નતીજા 14 નવેમ્બરે. બિહારની મહિલાઓએ સાબિત કરી દીધું – નારી શક્તિ જ નવી બિહારની નિર્માતા છે!