Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

Girnar In Out Online Registration: જૂનાગઢ સ્થિત ગિરનાર પર્વત પર દર વર્ષે લાખો શ્રદ્ધાળુઓ, પર્યટકો અને ટ્રેકિંગના શોખીનો પહોંચે છે.વધતી યાત્રાળુ સંખ્યા,સલામતીની જરૂરિયાત અને ઈમરજન્સી પરિસ્થિતિમાં ઝડપી રાહત કામગીરીને વધુ અસરકારક બનાવવા માટે હવે ગિરનાર જતાં પહેલાં IN/OUT ઓનલાઈન રજિસ્ટ્રેશન સિસ્ટમ અમલમાં મૂકવામાં આવી છે.આજથી આ નવી વ્યવસ્થા અમલમાં આવતા દરેક મુલાકાતીએ ગિરનારમાં પ્રવેશ કરતા પહેલાં પોતાની નોંધણી કરાવવી ફરજિયાત રહેશે.આ નવી વ્યવસ્થાનો મુખ્ય હેતુ યાત્રાળુઓની સુરક્ષા સુનિશ્ચિત કરવાનો, કોઈ વ્યક્તિ ગિરનારમાં પ્રવેશ્યા બાદ બહાર નીકળ્યા છે કે નહીં તેની માહિતી રાખવાનો અને કોઈ દુર્ઘટના કે ઈમરજન્સી સર્જાય તો તાત્કાલિક મદદ પહોંચાડવાનો છે.
ઓફલાઈન રજીસ્ટ્રેશન પણ સ્થળ પર જ વિનામૂલ્યે કરાવી શકાશે ​જે યાત્રિકો પાસે સ્માર્ટફોન ઉપલબ્ધ નહીં હોય અથવા જેમને ઓનલાઈન પ્રક્રિયામાં મુશ્કેલી પડતી હોય, તેમની ચિંતા કરવાનું કોઈ કારણ નથી. તેમની સુવિધા માટે સ્થળ પર જ વહીવટી તંત્ર અને વન વિભાગનો સ્ટાફ રહેશે.આ સ્ટાફની મદદથી આવા યાત્રિકોનું ઓફલાઈન રજીસ્ટ્રેશન સ્થળ પર જ વિનામૂલ્યે અને સરળતાથી કરી આપવામાં આવશે.જૂનાગઢના ગિરનાર વિસ્તારમાં તાજેતરમાં બનેલી એક અત્યંત દુઃખદ અને હચમચાવી દેનારી ઘટનામાં ગિરનાર પર્વતની 50 પગથિયા સીડી પર એક બાળકનો સિંહે શિકાર કર્યો હતો.આ ગંભીર ઘટના બાદ રાજ્ય સરકારના માર્ગદર્શન હેઠળ જૂનાગઢ જિલ્લા વહીવટી તંત્ર અને વન વિભાગ સફાળું જાગ્યું છે અને એક્શન મોડમાં આવી ગયું છે.
ઓળખ કાર્ડ ફરજિયાતપણે સાથે રાખવું પડશે ​આ નવી રજીસ્ટ્રેશન વ્યવસ્થા ગિરનાર પર્વત પર જનારા તમામ યાત્રાળુઓ માટે લાગુ પડશે, પછી ભલે તેઓ નવી સીડી, જૂની સીડી કે રોપવે મારફતે યાત્રા કરતા હોય.જૂનાગઢ જિલ્લા વહીવટી તંત્ર દ્વારા તમામ શ્રદ્ધાળુઓને અપીલ કરવામાં આવી છે કે તેઓ પોતાની સુરક્ષા માટે જ શરૂ કરવામાં આવેલી આ વ્યવસ્થામાં સંપૂર્ણ સહકાર આપે. યાત્રાળુઓની સરળતા ખાતર રજીસ્ટ્રેશનની પ્રક્રિયાને ખૂબ જ સહેલી બનાવવામાં આવી છે.આ ઓનલાઈન પોર્ટલ અને સિસ્ટમનું નિર્માણ જિલ્લા NIC ટીમના ડીઆઈઓ ભુવનેશ્વર બુડગયા, હિતેશ ટાંક અને શાયર રાઠોડ દ્વારા જિલ્લા વહીવટી તંત્ર, વન વિભાગ અને પોલીસ તંત્રના સંયુક્ત પરામર્શથી કરવામાં આવ્યું છે. વહીવટી તંત્ર યાત્રાળુઓની સુરક્ષા અને વન્યજીવોના સંરક્ષણ બંને માટે કટિબદ્ધ છે અને તેથી જ દરેક યાત્રાળુએ પોતાની સાથે કોઈપણ એક અધિકૃત ઓળખ કાર્ડ (આઈડી પ્રૂફ) ફરજિયાતપણે સાથે રાખવાનું રહેશે.
QR કોડ સ્કેન કરીને કરાવવું પડશે રજિસ્ટ્રેશન ગિરનાર પર આરોહણ શરૂ કરતા પહેલાં યાત્રાળુઓએ એન્ટ્રી પોઈન્ટ પર મૂકવામાં આવેલી સ્ટેન્ડી પર દર્શાવેલા QR કોડને પોતાના મોબાઈલથી સ્કેન કરવાનો રહેશે. ત્યારબાદ ખુલતા ઓનલાઈન પોર્ટલ પર જરૂરી વિગતો ભરીને 'IN' એન્ટ્રી નોંધાવવાની રહેશે.જે યાત્રાળુઓ સીધા વેબસાઈટ મારફતે નોંધણી કરવા માંગતા હોય તેઓ Register.bhavnathtemple.com પોર્ટલ પર જઈને પણ પ્રક્રિયા પૂર્ણ કરી શકશે. નોંધણી પૂર્ણ થયા બાદ જ યાત્રા શરૂ કરવાની રહેશે.
યાત્રાળુઓને ફરજીયાત IN/OUT કરવાનું રહેશે આ વેબસાઈટ કે ક્યુઆર કોડ મારફતે પોર્ટલ પર પોતાની જરૂરી વિગતો ભરીને યાત્રા શરૂ કરતી વખતે ઓનલાઈન નોંધણી કરી 'IN' (એન્ટ્રી) નોંધાવવાની રહેશે. ત્યારબાદ, જ્યારે યાત્રિક પોતાની યાત્રા અને દર્શન પૂર્ણ કરીને હેમખેમ નીચે પરત ફરે ત્યારે તેમણે ફરજિયાતપણે ફરીથી આ જ પોર્ટલ પર 'OUT' (એક્ઝિટ) એન્ટ્રી કરાવવાની રહેશે. આનાથી તંત્રને પર્વત પર હાલમાં કેટલા યાત્રિકો છે તેની ચોક્કસ સંખ્યા મળતી રહેશે.
શા માટે શરૂ કરવામાં આવી નવી સિસ્ટમ? ગિરનારમાં વર્ષ દરમિયાન હજારો લોકો દર્શન, ટ્રેકિંગ અને પ્રકૃતિ નિહાળવા માટે આવે છે.ખાસ કરીને વરસાદી મોસમ,શિવરાત્રિ મેળો અને વીકએન્ડ દરમિયાન ભારે ભીડ રહેતી હોવાથી વહીવટી તંત્ર માટે દરેક વ્યક્તિની માહિતી રાખવી મુશ્કેલ બનતી હતી.ગિરનારમાં પ્રવેશ કરનાર દરેક વ્યક્તિનો ડિજિટલ રેકોર્ડ રહેશે.કોઈ વ્યક્તિ લાંબા સમય સુધી બહાર ન આવે તો તાત્કાલિક તપાસ શરૂ કરી શકાશે.રેસ્ક્યૂ ટીમને ચોક્કસ માહિતી મળશે.ભીડનું વૈજ્ઞાનિક રીતે સંચાલન કરી શકાશે.પ્રવાસીઓની સંખ્યાનો રિયલ-ટાઈમ ડેટા ઉપલબ્ધ રહેશે.સુરક્ષા એજન્સીઓને પણ મદદ મળશે.
સ્માર્ટફોન ન હોય તો પણ ચિંતા નહીં વહીવટી તંત્રએ સ્પષ્ટ કર્યું છે કે દરેક યાત્રાળુ પાસે સ્માર્ટફોન હોવો જરૂરી નથી. જેમને ઓનલાઈન નોંધણી કરવામાં મુશ્કેલી પડે અથવા સ્માર્ટફોન ઉપલબ્ધ ન હોય, તેમના માટે સ્થળ પર જ ઓફલાઈન નોંધણીની વ્યવસ્થા કરવામાં આવી છે. નવી સીડી સહિતના એન્ટ્રી પોઈન્ટ પર વન વિભાગ અને જિલ્લા તંત્રનો સ્ટાફ ફરજ પર રહેશે, જે યાત્રાળુઓની વિનામૂલ્યે નોંધણી કરીને તેમને યાત્રા માટે મદદ કરશે.આ વ્યવસ્થા દ્વારા ડિજિટલ પ્રક્રિયા દરેક માટે સરળ અને સુલભ બને તેવો પ્રયાસ કરવામાં આવ્યો છે, જેથી કોઈ પણ શ્રદ્ધાળુને માત્ર ટેક્નિકલ કારણોસર મુશ્કેલીનો સામનો ન કરવો પડે.
જિલ્લા NIC ટીમે તૈયાર કરી સિસ્ટમ આ ઓનલાઈન રજિસ્ટ્રેશન સિસ્ટમનું નિર્માણ જિલ્લા NIC ટીમના ડીઆઈઓ ભુવનેશ્વર બુડગયા, હિતેશ ટાંક અને શાયર રાઠોડ દ્વારા જિલ્લા વહીવટી તંત્ર, વન વિભાગ અને પોલીસ વિભાગના સંયુક્ત માર્ગદર્શન હેઠળ કરવામાં આવ્યું છે.વહીવટી તંત્રનું કહેવું છે કે ગિરનારમાં આવનારા યાત્રાળુઓની સુરક્ષા સાથે વન્યજીવોના સંરક્ષણ વચ્ચે સંતુલન જળવાઈ રહે તે માટે ટેક્નોલોજી આધારિત આ વ્યવસ્થા ભવિષ્યમાં વધુ અસરકારક સાબિત થશે.

ગિરનાર જતાં પહેલાં હવે ફરજિયાત IN/OUT રજિસ્ટ્રેશન,આજથી QR આધારિત એન્ટ્રી સિસ્ટમ શરૂ

ગિરનારમાં પ્રવેશ માટે નવી ડિજિટલ વ્યવસ્થા

ગુજરાત સહિત દેશ-વિદેશના મહત્વના સમાચાર 24 કલાક મેળવવા માટે તમે જોતા રહો બેનિફિટ ન્યૂઝ નેટવર્ક... લેટેસ્ટ ન્યૂઝ, બ્રેકિંગ ન્યૂઝ અને દિવસભરની તમામ અપડેટ્સ આ પેજ ઉપર તમારા સુધી પહોંચાડતાં રહીશું...

દિવસભરની તમામ લાઈવ અપડેટ્સ

Breaking News

Rakul Preet On Tollywood and Bollywood: તેલુગુ અને હિન્દી સિનેમા જગતમાં એક સફળ અને જાણીતું નામ એટલે રકુલ પ્રીત સિંહ. કારકિર્દીના લાંબા ગાળામાં અનેક હિટ ફિલ્મો આપી ચૂકેલી આ અભિનેત્રીએ તાજેતરમાં એક ઈન્ટરવ્યુ દરમિયાન ભારતીય સિનેમાના બે મુખ્ય આધારસ્તંભો - ટોલીવુડ અને બોલિવૂડ વચ્ચેની વર્ક કલ્ચર અંગે ખુલાસો કર્યો છે. રકુલના અનુભવો મુજબ, બંને ઉદ્યોગો વચ્ચે કામ કરવાની પદ્ધતિ અને માનસિકતામાં નોંધપાત્ર તફાવત છે. તેણીએ સ્પષ્ટપણે જણાવ્યું હતું કે, જ્યાં ટોલીવુડ એક મોટા પરિવાર જેવું વાતાવરણ પૂરું પાડે છે, ત્યાં બોલિવૂડમાં સ્પર્ધા અને અસુરક્ષાનું વાતાવરણ વધુ જોવા મળે છે.
ટોલીવુડ: એક મોટા પરિવાર જેવું વાતાવરણ રકુલ પ્રીત સિંહે તેલુગુ ફિલ્મ ઉદ્યોગ પ્રત્યે પોતાનો આભાર વ્યક્ત કર્યો હતો. તેણીએ જણાવ્યું હતું કે તેલુગુ ઉદ્યોગે હંમેશા તેને ઉષ્માભર્યું સ્વાગત અને અખૂટ સમર્થન આપ્યું છે. રકુલના મતે, ટોલીવુડના કલાકારો, દિગ્દર્શકો અને નિર્માતાઓ એકબીજાને પ્રોત્સાહિત કરવામાં ક્યારેય પાછળ રહેતા નથી. તેઓ એકબીજાની સફળતાની ઉજવણી કરવામાં કોઈ સંકોચ અનુભવતા નથી. આ ઉદ્યોગમાં કલાકારો ખુશીથી એકબીજાના ટ્રેલરનો પ્રચાર કરે છે, ફિલ્મ કાર્યક્રમોમાં સક્રિયપણે હાજરી આપે છે અને એકબીજાને ટેકો આપે છે. આ પરસ્પર આદર અને સહયોગની ભાવના ત્યાંના દરેક વ્યક્તિ માટે એક સકારાત્મક અને સ્વસ્થ વાતાવરણનું નિર્માણ કરે છે.
બોલિવૂડમાં સ્પર્ધા અને અસુરક્ષાની અનુભૂતિ બીજી બાજુ, હિન્દી ફિલ્મ ઉદ્યોગના અનુભવો વિશે વાત કરતા રકુલે થોડી ચિંતા વ્યક્ત કરી હતી. તેણીએ સ્વીકાર્યું કે જ્યારે તે પોતાની કારકિર્દીની શરૂઆત કર્યા બાદ બોમ્બે પહોંચી, ત્યારે તેને ત્યાંની સ્પર્ધાત્મકતા જોઈને નવાઈ લાગી હતી. રકુલના મતે, મુંબઈ ફિલ્મ ઉદ્યોગમાં લોકોમાં ઘણીવાર અસુરક્ષાની લાગણી જોવા મળે છે. તે કહે છે, "મને લાગે છે કે આપણે આ બાબતમાં પાછળ રહી ગયા છીએ. ટોલીવુડમાં જે પ્રકારની સંયુક્ત ભાવના છે, તેવી અહીં જોવા મળતી નથી." રકુલ માને છે કે આ આંતરિક અસુરક્ષા જ લોકોને એકબીજાની ફિલ્મોને ખુલ્લેઆમ ટેકો આપતા અટકાવે છે. અસુરક્ષાની આ ભાવનાને કારણે જ કલાકારો એકબીજાને પ્રોત્સાહન આપવાને બદલે સ્પર્ધાને વધુ મહત્વ આપે છે.
ભાઈચારાની જરૂરિયાત અને વ્યક્તિગત પ્રયાસો રકુલ પ્રીત સિંહનું માનવું છે કે બોલિવૂડમાં પણ તેલુગુ સિનેમા જેવી ભાઈચારાની લાગણી લાવવાની જરૂર છે. તેણીએ ભૂતકાળને યાદ કરતા કહ્યું કે, "અમે એકબીજાના ફિલ્મ સ્ક્રીનિંગ અથવા પ્રીમિયરમાં જતા હતા, સક્સેસ પાર્ટીઓમાં ઉજવણી કરતા હતા. તે કોણ જઈ રહ્યું છે તે વિશે નહોતું, પરંતુ એકબીજાને મદદ કરવા વિશે હતું." રકુલના મતે, જો મુંબઈના કલાકારો અસુરક્ષાને દૂર કરી એકબીજા સાથે ખભે ખભા મિલાવીને ઊભા રહે, તો બોલિવૂડ ખરેખર વધુ મજબૂત બની શકે છે. તે સ્પષ્ટપણે માને છે કે આ પરિવર્તન બહારથી નહીં, પરંતુ દરેક કલાકારના સેલ્ફ વર્ક દ્વારા આવશે.
વ્યાવસાયિક સફર અને શીખેલા પાઠ પોતાની વ્યાવસાયિક સફર વિશે વાત કરતા રકુલે જણાવ્યું હતું કે, ટીમવર્કના મૂલ્યને સમજવામાં તેને બંને ઉદ્યોગોના અનુભવે ખૂબ મદદ કરી છે. તેલુગુ સિનેમામાં કામ કરતી વખતે તેણે જે એકતા અને પ્રોત્સાહન જોયું, તેનાથી તેના પર એક ઊંડી છાપ પડી છે. અભિનેત્રીએ એમ પણ ઉલ્લેખ કર્યો કે, ક્યારેક મુંબઈમાં નકારાત્મક પ્રચાર અને ઝુંબેશો વધુ સામાન્ય બની જાય છે, જે ફિલ્મ ઉદ્યોગના સમગ્ર વાતાવરણને પ્રદૂષિત કરે છે. તે માને છે કે, બિનજરૂરી સ્પર્ધા ઊભી કરવા કરતાં એકબીજાને પ્રોત્સાહન આપવું એ ઉદ્યોગના વિકાસ માટે વધુ ફાયદાકારક છે.
સોશિયલ મીડિયા પર ચર્ચા અને ચાહકોના પ્રતિભાવો રકુલ પ્રીત સિંહના આ નિવેદનો બાદ સોશિયલ મીડિયા પર ફિલ્મ પ્રેમીઓ વચ્ચે નવી ચર્ચા છેડાઈ છે. ખાસ કરીને તેલુગુ સિનેમાના ચાહકો દ્વારા રકુલની ખૂબ પ્રશંસા કરવામાં આવી રહી છે. ઘણા યુઝર્સે તેલુગુ ફિલ્મ ઉદ્યોગના મૈત્રીપૂર્ણ સ્વભાવની જાહેરમાં પ્રશંસા કરવા બદલ તેણીનો આભાર માન્યો છે. બીજી તરફ, બોલિવૂડના પ્રેમીઓ અને વિશ્લેષકો હવે એવી ચર્ચા કરી રહ્યા છે કે શું હિન્દી સિનેમાએ ખરેખર વધુ સપોર્ટિવ કલ્ચર અપનાવવાની જરૂર છે? રકુલના મંતવ્યોએ ભારતીય ફિલ્મ ઉદ્યોગમાં પરસ્પર આદર, ટીમવર્ક અને એકતા અંગેની એક ગંભીર અને મહત્વપૂર્ણ વાતચીત શરૂ કરી છે.
કારકિર્દીના વર્તમાન પડકારો કામના મોરચે, રકુલ પ્રીત સિંહ પોતાની અભિનય કારકિર્દીમાં સતત સક્રિય છે. તે છેલ્લે હિન્દી રોમાન્સ ડ્રામા 'પતિ પત્ની ઔર વો 2' માં જોવા મળી હતી, જેમાં આયુષ્માન ખુરાના, વામિકા ગબ્બી અને સારા અલી ખાન જેવા કલાકારો મુખ્ય ભૂમિકાઓમાં હતા. છેલ્લા ઘણા વર્ષોમાં તેણીએ તેલુગુ અને હિન્દી એમ બંને ઉદ્યોગોમાં પોતાની આગવી ઓળખ ઊભી કરી છે. તેણીના અનુભવના આધારે આ નિવેદનોને ફિલ્મ જગતના નિષ્ણાતો અને ચાહકો ખૂબ ગંભીરતાથી લઈ રહ્યા છે. રકુલનું નિવેદન માત્ર એક અભિનેત્રીના અનુભવો નથી, પરંતુ ભારતીય સિનેમાના બદલાતા વર્ક કલ્ચર પરનું એક મહત્વપૂર્ણ વિશ્લેષણ છે.

રકુલ પ્રીત સિંહના નિવેદને ફિલ્મ જગતમાં મચાવ્યો ખળભળાટ!

શું બોલિવૂડમાં સપોર્ટનો અભાવ છે?

Parents no longer get PR in Canada: કેનેડામાં વસતા લાખો ભારતીય પરિવારો માટે એક મહત્વપૂર્ણ અને ચિંતાજનક સમાચાર સામે આવ્યા છે. કેનેડાની ફેડરલ સરકારે Parents and Grandparents Program (PGP) હેઠળ નવી સ્પોન્સરશિપ અરજીઓ સ્વીકારવાની પ્રક્રિયા આગામી સૂચના સુધી સ્થગિત કરવાનો નિર્ણય જાહેર કર્યો છે.એટલે કે, હાલ માટે કેનેડામાં રહેતા નાગરિકો અથવા પરમેનન્ટ રેસિડેન્ટ્સ પોતાના માતા-પિતા અથવા દાદા-દાદીને PR માટે સ્પોન્સર કરવા નવી અરજી કરી શકશે નહીં. જોકે પહેલેથી દાખલ થયેલી અરજીઓની પ્રક્રિયા ચાલુ રહેશે.ભારતીય સમુદાય માટે આ નિર્ણય ખાસ મહત્વનો છે, કારણ કે દર વર્ષે હજારો ભારતીય પરિવારો PGP દ્વારા પોતાના માતા-પિતાને કેનેડામાં કાયમી રીતે વસાવવા પ્રયત્ન કરતા હોય છે. નવી અરજીઓ પર રોક લાગતા અનેક પરિવારોની યોજના અનિશ્ચિત બની ગઈ છે.
નવી અરજીઓ કેમ બંધ કરવામાં આવી? કેનેડાના આ ફેમિલી રીયુનિફિકેશન પ્રોગ્રામમાં હંમેશા ઉપલબ્ધ બેઠકો કરતાં અરજીઓની સંખ્યા ઘણી વધારે રહેતી હોય છે. વર્ષ 2020માં જ્યારે છેલ્લીવાર નવા ફોર્મ મંગાવાયા હતા, ત્યારે સરકારને રેકોર્ડબ્રેક 2,03,213 અરજીઓ મળી હતી. ત્યારથી અત્યાર સુધી દર વર્ષે તે જૂની અરજીઓમાંથી જ રેન્ડમલી (લોટરી સિસ્ટમ દ્વારા) ઉમેદવારોની પસંદગી કરવામાં આવતી હતી. હાલમાં પણ આ પ્રોગ્રામ હેઠળ 50,900 જેટલી અરજીઓ પ્રોસેસિંગ માટે પેન્ડિંગ છે. આ પેન્ડિંગ કામગીરી ઝડપથી ઉકેલવા અને દેશમાં ચાલી રહેલી હાઉસિંગ કટોકટી તેમજ જાહેર સુવિધાઓ પરનું દબાણ ઘટાડવા સરકારે નવી એન્ટ્રીઓ બંધ કરવાનો નિર્ણય લીધો છે.
શું છે PGP? PGP કેનેડાની ફેમિલી રીયુનિફિકેશન પોલિસીનો મહત્વપૂર્ણ ભાગ છે.આ યોજના હેઠળ કેનેડાના નાગરિકો અને PR ધારકો પોતાના માતા-પિતા અથવા દાદા-દાદીને કાયમી નિવાસ માટે સ્પોન્સર કરી શકે છે.સફળ અરજી બાદ પરિવારના સભ્યોને કેનેડામાં રહેવા, કામ કરવા અને આરોગ્ય સહિતની વિવિધ સુવિધાઓનો લાભ મળે છે.
શા માટે બંધ કરાયો PGP પ્રોગ્રામ? &lsquo;પેરેન્ટ્સ એન્ડ ગ્રાન્ડપેરેન્ટ્સ પ્રોગ્રામ&rsquo; એ કેનેડાનો એક ફેમિલી રિયુનિફિકેશન પ્રોગ્રામ છે, જેના દ્વારા કેનેડિયન નાગરિકો અને પીઆર ધારકો પોતાના માતા-પિતા અને દાદા-દાદીને કાયમી ધોરણે ત્યાં બોલાવી શકતા હતા. જોકે, આ પ્રોગ્રામમાં ઉપલબ્ધ બેઠકો કરતાં અરજીઓની સંખ્યા હંમેશાં ઘણી વધારે રહેતી હતી, જેના કારણે સરકારે તેને લોટરી સિસ્ટમ દ્વારા ચલાવવો પડતો હતો.વર્ષ 2020 માં જ્યારે છેલ્લી વાર નવા લોકો પાસેથી ફોર્મ મંગાવવામાં આવ્યા હતા, ત્યારે સરકારને આશરે 2,03,213 અરજીઓ મળી હતી. ત્યારબાદ દર વર્ષે તે જ લિસ્ટમાંથી રેન્ડમ રીતે પસંદગી કરીને લોકોને ફોર્મ ભરવાની તક આપવામાં આવતી હતી.
50 હજારથી વધુ અરજીઓ હજુ પણ પેન્ડિંગ IRCC ના જણાવ્યા અનુસાર, આ પ્રોગ્રામ હેઠળ હાલમાં આશરે 50,900 જેટલી અરજીઓ પ્રોસેસિંગ માટે પેન્ડિંગ છે. આમાંથી 40,400 અરજીઓ ક્યુબેક પ્રાંતની બહાર રહેતા લોકોની છે, જ્યારે 10,500 અરજીઓ ક્યુબેકમાં રહેવાની યોજના ધરાવતા અરજદારોની છે. સરકારનું કહેવું છે કે હાલ તેમનું સંપૂર્ણ ધ્યાન આ જૂની અરજીઓનો નિકાલ કરવા પર રહેશે.
&lsquo;સુપર વિઝા&rsquo; હજુ ઉપલબ્ધ સરકારે સ્પષ્ટ કર્યું છે કે Super Visa પર કોઈ અસર નથી. Super Visa દ્વારા માતા-પિતા અને દાદા-દાદી કેનેડામાં લાંબા સમય સુધી મુલાકાત લઈ શકે છે. આ વિઝા કાયમી નિવાસ આપતો નથી, પરંતુ એક સમયે લાંબા ગાળાના નિવાસ અને બહુવિધ પ્રવેશની મંજૂરી આપે છે. તાજેતરમાં તેની આવક અને આરોગ્ય વીમા સંબંધિત કેટલીક શરતોમાં પણ રાહત આપવામાં આવી છે.ઇમિગ્રેશન નિષ્ણાતોનું માનવું છે કે સરકાર બેકલોગ ઘટાડ્યા બાદ ભવિષ્યમાં PGP ફરી શરૂ કરી શકે છે. જોકે હાલ સુધી કોઈ સત્તાવાર સમયરેખા જાહેર કરવામાં આવી નથી. તેથી કેનેડામાં રહેતા ભારતીયોએ IRCCની આગામી જાહેરાતો પર નજર રાખવી જરૂરી છે.
સરકારે આ નિર્ણય કેમ લીધો? કેનેડાના ઇમિગ્રેશન વિભાગ (IRCC) અનુસાર PGP માટે અરજીઓની સંખ્યા ઉપલબ્ધ જગ્યાઓ કરતાં ઘણી વધારે છે. પરિણામે લાંબા સમયથી અરજીઓનો મોટો બેકલોગ ઉભો થયો છે. આ બેકલોગ ઘટાડવા, પ્રક્રિયાને વધુ કાર્યક્ષમ બનાવવા અને પ્રોસેસિંગ સમય ઘટાડવા માટે નવી અરજીઓ સ્વીકારવાનું હાલ માટે બંધ કરવામાં આવ્યું છે. સરકારનું કહેવું છે કે પહેલેથી પ્રાપ્ત થયેલી અરજીઓ પર ધ્યાન કેન્દ્રિત કરવામાં આવશે.જે લોકોએ અગાઉથી PGP હેઠળ અરજી કરી છે અથવા જેમને અરજી માટે આમંત્રણ મળી ચૂક્યું છે, તેમની અરજીઓ પર કાર્યવાહી ચાલુ રહેશે. કેનેડા સરકારે 2026 દરમિયાન PGP હેઠળ આશરે 15,000 લોકોને PR મંજૂર કરવાનો લક્ષ્યાંક જાહેર કર્યો છે.
ભારતીય પરિવારો પર શું અસર પડશે? ભારત કેનેડામાં સૌથી મોટાં ઇમિગ્રન્ટ સમુદાયોમાંનું એક છે. ઘણા ભારતીય પરિવારો પોતાના માતા-પિતાને વૃદ્ધાવસ્થામાં પોતાની સાથે રાખવા માટે PGP પર નિર્ભર રહેતા હતા.હજારો પરિવારોની PR યોજના અટકી જશે.પરિવાર સાથે કાયમી રહેવાનું સ્વપ્ન હાલ માટે મુલતવી રહેશે.વડીલોને લાંબા ગાળાના પ્રવાસી વિકલ્પો પર નિર્ભર રહેવું પડશે.ઘણા અરજદારોને નવી જાહેરાતની રાહ જોવી પડશે.પરિણામે તેઓએ Super Visa અથવા ભવિષ્યમાં સરકાર દ્વારા જાહેર થનારી નવી નીતિની રાહ જોવી પડશે.
&nbsp;

કેનેડાએ PGP સ્પોન્સરશિપ કરી બંધ ,હવે 'સુપર વિઝા' એકમાત્ર વિકલ્પ

હવે માતા-પિતાને કેનેડા લઈ જવું સહેલું નહીં!

GPSC બિલ્ડીંગ અને સચિવ સુધીર પટેલની તસવીર

GPSCએ નવું ‘અવસર’ મોડ્યૂલ વિકસાવ્યું, અસફળ ઉમેદવારોને ખાનગી ક્ષેત્રે રોજગારની નવી તક આપશે

GPSCના ‘અવસર’ મોડ્યૂલથી મળશે રોજગારીની તક?

જૈશ-એ-મોહમ્મદના વધુ 5 આતંકીઓની ધરપકડ,આતંકી નેટવર્કની તપાસ તેજ

ગુજરાતમાં ATSનું મેગા ઓપરેશન

આલ્ફા કોચિંગ ક્લાસના ડમી શિક્ષણ રેકેટથી શિક્ષણ વિભાગમાં દોડધામ

બાળકીના રહસ્યમય મોતે ખોલી પોલ

સિદ્ધપુરમાંથી વધુ 5 શંકાસ્પદોની અટકાયત,જૈશ-એ-મોહમ્મદ કનેક્શનની દિશામાં તપાસ તેજ

રથયાત્રા પહેલાં ગુજરાત ATSનું મેગા ઓપરેશન

રોહિંગ્યા શરણાર્થીઓની બે બોટ દરિયામાં ડૂબી,500થી વધુ લોકોનાં મોતની આશંકા ,બચાવ કામગીરી શરૂ

બંગાળની ખાડીમાં ભયાનક દુર્ઘટના

ડાયાબિટીસ,BP અને હાર્ટના દર્દીઓને મળશે સસ્તી દવાઓ,સરકારે 39 દવાઓના ભાવ નક્કી કર્યા

હવે મેડિકલ સ્ટોર નહીં કરી શકે મનમાની!

રમાડવાના બહાને બાળકી સાથે છેડતી કરનાર 73 વર્ષીય નરાધમ ઝડપાયો, પોક્સો હેઠળ ગુનો દાખલ

મેઘાણીનગરમાં 5 વર્ષની માસૂમ પર દુષ્કર્મનો પ્રયાસ

માત્ર અડધા કલાકમાં 27 લોકો જીવતા ભડથું, 60થી વધુ ઘાયલ

બેંગકોકના નાઈટક્લબમાં લાગી ભીષણ આગ

હેપ્પી બર્થડે કહેવા પર માસૂમ વિદ્યાર્થીને ઢોરમાર, વિદ્યાર્થીઓને સજા આપનાર શિક્ષક સસ્પેન્ડ

વડોદરાની બે નામાંકિત શાળાઓમાં બાળકો સાથે શું થયું?

કાકાનો હાથ પકડીને ચઢતા 12 વર્ષના બાળકને સિંહ ખેંચી ગયો,જંગલમાંથી મળ્યા અવશેષો

ગિરનારમાં સિંહનો જીવલેણ હુમલો!

દારૂનો અડ્ડો બંધ કરાવવા ગયેલા રહીશો પર  હુમલો,મહિલાઓને પણ માર માર્યાનો આરોપ